Génesis 49:8 - Cofán: Chiga Tevaen'jen

⁸ Judá, que antiandeccu tsu quema ñotsse in'jamba afa'faya. Tsifoye indipa patsuqquia'caen qui quema iyiccayesundeccuma patsuya. Ñoa'me que antiandeccu'qque tsu quenga ccarupa dyai'faya.

Génesis 49:8 ပူးပေါင်းရင်းမြစ်များ

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Génesis 29:35

Lea ccase faesu tsandie du'shuve isupa su: “Ja'ño gi Na'su Chigama ñotsse afaya.” Tsa'caen supa tsu tsa du'shuma inisian Judá. Tse'ccoeyi isupa ti'tsse isumbe antte.

Génesis 42:6

Joséja ande na'suve dapa poiyi'cco ccane ji'chondeccunga trigoma chavaen'su tsu. Tsa'cansi tise antiandeccuja tisenga jipa andenga camba'jui'ccu puntssan'fa.

Génesis 46:12

Judá dutssiyendeccu tsu Er, Onán, Sela, Fares toya'caen Zara. (Er, toya'caen Onán tsu Canaán andeni pa'fa'cho.) Fares dutssiyendeccu tsu Hezrón toya'caen Hamul.

2 Samuel 5:3

Tsa'caen in'jamba tsu poiyi'cco israe'su coenzandeccu Hebróni jipa na'su Davidi'ccu condasecco'fa. Condaseccopa tsu Davidja israendeccui'ccu fae'ngae injancco'fa'chove afa Na'su Chiga paña'jen'ni. Tsonsi tsu Davidma feti'fa poi israe'su na'suve.

Isaías 9:7

Na'su David dyaipa'chonga dyaipa tsu poi ande'su aindeccuma mandaya. Nane ñotsse mandasi majañi'qque tisema joqquitssiañe oshambisi poiyi'cco a'i tsu asi'ttaembe'yi opatsse canse'faya. Nane tansintsse mandapa poi a'inga tise'pa cansepa injienge'choma antteya. Ja'ño tsa'caen mandapa tsangae tsu tsa'caen mandaya. Nane Na'su Osha'choma Oshacho'cho Chigaja ñoa'me in'jamba tsu tsa'caen tsoña.

Hebreo'su 10:13

Tseni tsu ronda'je poiyi'cco tisema iyiccayesundeccuma patsuya'ngae.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Canjaen'cho 5:5

Ña i'nasi coenza'suja ñanga catsepa su: —I'najama. Que canjan. Judá aindeccunejan fae a'i tsu Leon'ca'en na'suve dapa patsu. Nane tiseja David omba'su dutssi'yepa tsu jipa patsu. Tiseja siete tuño ancaen'choma battiamba findi'cho tevaen'jema fettaye osha.