Génesis 49:10 - Cofán: Chiga Tevaen'jen

¹⁰ Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

Génesis 49:10 ပူးပေါင်းရင်းမြစ်များ

Salmos 78:68

Tsa'ma Judá'su aindeccuma in'jamba tise in'jan'cho Zión ccotta'ccoma'qque in'jan.

Isaías 11:10

Banderama jangiansi a'i tsanga boqquia'caen tsu tsequi a'ta va Isaí setsa'cho'su shoyo'cho attiansi poiyi'cco a'i tisenga bo'faya. Nane poi ande'su aindeccu tsu tise've tta'tta'faya. Tise can'jeña'ttija tise a'tatssiai'ccu ñoa'me ñotssiya.

Isaías 42:1

“Va'tti tsu ñama shondo'su. Ñajan tisema ñambeve attufaemba angacamba quiñaen. Nane tisei'ccu gi avujatssi. Ña qquendya'pai'ccu tisema in'jaensi tsu poi ande'su aindeccuma ñotsse mandaya.

Isaías 55:3

Ñani jipa ñama paña'faja. Ñama pañamba canse'faja. Nane tsangae injancco'fa'chove gi que'i'ccu afapa tson'jeña ña tayopi'su David'yenga ñotsse in'jamba afa'cho cuintsu ja'ño nepiye.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Números 21:18

Nasundeccu tsu dyan'dya'fa tise'pa coen quini'ccoi'ccu. Nane a'ima manda'su coenzandeccu tsu tise'pa accuicco'choi'ccu va posove fetta'fa.” A'i menia'ñe israendeccuja Matani nepi'fa.

Números 24:17

Jai'ngae'su osha'choma gi atte. Ñoa'me jai'ngae'suma gi bianima atte. Fae o'fe tsu Jacob aindeccu'ye somboya. Fae Na'su tsu israendeccu'ye somboya. Tsaja camba'juma doñaqquia'caen Moab aindeccuma patsuya. Nane pa'cco Set dutssiyendeccumbe tsove tsu'ttama tsu doñaña.

Números 24:19

Nane Jacob aindeccu'ye tsu Na'su Patsu'suja sombopa canqqueni toya canjensundeccuma sefaeña.”

Mateo 1:21

Tsandie du'shuve tsu isuya. Tise aindeccuma tsu tise'pa egae tsincon'cho'ye ccushaeña. Tsa'cansi tisema qui inisian'faya Jesúsve. Jesús qquenda tsu ccushaen'su qquen su.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Mateo 21:9

Majan a'i o'tie jayi'fa. Cca'indeccu sepaccofae jiña'fa. Poiyi'cco tsu fundondo'e qquen afa'fa: —¡Avuja'faja! Ñotssi tsu na'su David Dutssi'ye. Na'su Chiga tisema mandasi jipa ñoa'me avujatssi tsu. Ñotssi tsu Chiga Quitsa sefacconi canjen'su.

Mateo 25:32

Tsanga dyaisi poi ande'su aindeccu tisenga ccutsu'faya. Poiyi'cco aindeccu tisenga ccutsu'fasi tsu tise'pama attufaeña. Nane coira'suja ovejaveyi chivoveyi attufaenqquia'caen tsu

Juan 12:32

Toya'caen ñama avuja'cconga jangian'fasi gi poiyi'cco a'ima in'jaeña cuintsu ñanga ji'faye.

Juan 18:31

Tsonsi Pilatoja su: —Que'iyi angapa que'i manda'cho mandaqquia'caen tise injama'choma somboen'faja. Tsa'ma israendeccuja su'fa: —Romano nasundeccu se'pisi ingi israe'su nasundeccuja majameñi'qque fi'ttiye mandaye osha'fambi.

Juan 19:12

Tsa'caen susi Pilatoja ma'caen Jesúsma ccupaya'chove tta'tta. Tsa'ma israendeccuja quia'me su'fa: —¡Tsama ccupa'ta Romano Na'su César amigoya'bi qui! ¡Majan na'suve daye in'jan'da Romano Na'su César chi'ga'choya tsu!

Juan 19:15

Tsa'ma tise'paja fundo'fa: —¡Cuintsu paja! ¡Cuintsu paja! ¡Avuja'cconga fi'ttija! Pilatoja su: —¿Tsuin'da ti gi que'i na'suma avuja'cconga fi'ttiya? Tsa'ma Chigama afa'su nasundeccuja su'fa: —¡Romano Na'su César tsu ingi na'su. Faesuja me'i'on!

Juan 9:7

Pechaemba su: —Japa Siloé singu'ccunga ovashi'ngaja. Siloé tsu “manda moen'cho” qquen su'cho. Binijan japa ovashi. Ovashipa ji'ta tayo atteye osha.

Romanos 15:12

Toya'caen Isaíasja su: Tayopi'su David quitsa Isaí can'jen. Fiá sho'yoqquia'caen Tise dutssi'ye'su tsu na'suja jiya israembindeqquia na'suve daye. Israembindeqquiaja tisema in'jamba avujatsse tise've ronda'je'faya.

2 Corinto'su 5:10

Poiyi'cco gi Cristo na'su dyaipa'chonga ccutsu'faya'cho tise ingi tson'chone inginga afaye. Tise afasi gi ingi va ai'voi'ccu can'jemba ma'caen tson'chone isu'faya. Ma'caen tsomba canse'ta gi isu'faya; majan ñotssi, majan egama.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.