Génesis 47:29 - Cofán: Chiga Tevaen'jen

²⁹ Fae a'ta Israelja tise junde paya'choma atesupa tise dutssi'ye Joséma ttusengaye manda. Tise jisi su: —Queja ñoa'metsse ñama ñotsse tsoñe in'jan'da que tivei'ccu ña ttena'go tsosiccufama pporaemba tansintsse su'chove afaja ñoa'me ña iñajan'choma tsoña'chove ña atesuye. Chigáne ña pasi ñama Egiptoni a'tujama.

Génesis 47:29 ပူးပေါင်းရင်းမြစ်များ

Génesis 24:2

Tsa'caen dapa tsu tisema shondo'su ti'tsse coenzama ttu'se. Tsaja pa'cco tise tsa'o'suma, pa'cco tise an'bian'choma'qque coira'su tsu. Tisema ttu'sepa su: —Que tivei'ccu ña ttena'go tsosiccufama pporaemba

Génesis 24:49

Tsa'cansi que'ija ñotssipa ña na'suma ñotsse tsoñe in'jan'da ñanga conda'faja. Tsambi'ta se'pi'a'qque ñanga conda'faja cuintsu ña jongoesuve tsoñe atesuye.”

Génesis 27:2

Tsonsi Isaacja su: —Tayo qui atte ña coenza ccashe'yeve da'choma. Maqui a'ta pa'ngae gi paya.

Génesis 3:19

Poipa'sui'ccu quian'me semamba qui que cui'ccuma cu'i'faya. Nane papa queve ñoña'cho andeve ccase daya'ngae qui tsa'caen vana'jeña. Nane andema ñoña'chopa qui ccase andeve daya.

Génesis 47:9

Jacobja su: —Tayo gi ciento treinta canqque'fa va andeni jacamba canse. Nane re'riccoe vana'jen'ma canse. Tsa'ma toya gi ña tayopi'su coenzandeqquia'caen nepiaña'cho shaca.

Génesis 48:21

Omboe Joséma su: —Que canjan, paye gi tson'jen. Tsa'ma Chiga tsu quei'ccu can'jemba toequi que tayopi'su coenzandeccu'ye canse'cho andeni angaya.

Génesis 50:12

Tsa'caen tsu Jacob dutssiyendeccuja pa'cco tise'pa yaya iñajan'choma tson'fa.

Génesis 50:5

‘Ña yayaja tise paya'cho nepiji tsu ñama su cuintsu ñajan ñoa'metsse su'choma afaye tise in'jan'chove tsoñe. Nane tiseja atu'ttima Canaán andeni tayo ñoñamba tseni a'tuyeye in'jansi gi ñoa'metsse su'choi'ccu tsa'caen tsoñe su. Tsa'camba gi iñajan chigáne ñama antteja ña yayama atu'ngaye. Japa mangae a'tu nani'da gi ccase vani jiya.’

Salmos 49:7

Tsa'ma majañi'qque tisuma ccushaeñe oshambi. Ni Chiganga afepoeñe oshambi faesuma ccushaeñe.

Salmos 49:9

cuintsu tsangae canseya'choma isupa pambitsse canseye!

Hebreo'su 11:22

José'qque can'jemba coenza ccashe'yeve dapa israendeccu jai'ngae Egipto ande'ye sombo'faya'chone condase. Chigave in'jamba manda cuintsu jai'ngae a'i jayi'ta tise tsu'ttama'qque angapa Canaán andeni a'tu'faye.

Hebreo'su 9:27

Nane poiyi'cco a'i tsu fae seyi pa'faya'cho. Tsa'caen pasi tsu Chigaja Tise'pa canseite tsincon'chone afaya.

Josué 2:14

Tsonsi a'tutsse jacansundeccuja su'fa: —Ingima ccushaen'chone gi ccane'qque que'ima ccushaen'faya. Que'i ingine a'tiemba condambi'choa'ne gi que'ima ccushaemba ñotsse tson'faya, Na'su Chiga va andema inginga afesi.

Josué 23:14

“Ña, Josué gi ja'ño paye tson'jen. Tsa'ma toyi'te gi in'jan cuintsu que'i in'jan'faye pa'cco injama'choi'ccu toya'caen pa'cco canse'pai'ccu ma'caen Na'su Chiga pa'cco tise ñoa'me su'choi'ccu ñotsse tsoñe su'choma tayo tson'chove. Ni fae'ccoveyi'qque tsu shacambi.