Génesis 46:32 - Cofán: Chiga Tevaen'jen

³² Toya'caen tsu i'fa tise'pa oveja, vaura, pa'cco tise'pa an'bian'choma. Nane tsendeccu semambata tsu ovejama coiraye, toya'caen vaurama atapoeña'cho.’

Génesis 46:32 ပူးပေါင်းရင်းမြစ်များ

Génesis 37:2

Jacob dutssiyendeccune condase'cho tsu qquen: Joséja diez y siete canqque'fave an'biamba tise yaya ambian'chondeccu isu'cho dushundeccui'ccu fae'ngae ovejama coira'je. Nane Bilha dutssiyendeccu, Zilpa dutssiyendeccui'ccu coira'jepa tsendeccu egae tsincon'choma Joséja tise yayanga conda'je.

Génesis 4:2

Omboe tsambe quinshin, Abelve isu. Nane coemba Abelja oveja coira'suve da. Caínjan andema nasipave sema'su tsu.

Génesis 45:10

Jipa qui Gosén andeni canseya. Nane que dutssiyendeccu, que du'tssiyembe dushundeccu, pa'cco que aiña'cho, toya'caen pa'cco que an'bian'choi'ccu fae'ngae qui tseni canseya. Tsa'caen jipa qui ñai'ccu pporotsse canse'faya.

Génesis 46:31

Tsonsi Joséja tise antiandeccunga toya'caen tise yaya'su aindeccunga qquen su: —Faraóni gi jaya que'i ji'chone qquen condaseye: ‘Nane ña antiandeccu toya'caen poiyi'cco ña yaya aindeccu Canaán andeni cansesundeccu tsu vani ji'fa ñai'ccu canseye.

Génesis 46:33

Tsa'caen condasesi Faraón que'ima ttu'sepa jongoesuma semañe qui atesu'fa qquen iñajampaña'ninda

Génesis 46:34

que'ija su'faja: ‘Ingija ovejama atapoeñe gi atesu'fa ingi tayopi'su coenzandeqquia'caeñi.’ Tsa'caen su'yita qui Gosén andene can'jeñe osha'faya. Nane Egiptondeccuja se'pi'fa tsu oveja coirasundeccu fae'ngae tise'pai'ccu can'jeñe.

Génesis 47:3

Tsonsi faraónjan José antiandeccuma iñajampaña: —¿Jongoesuma qui semamba canse'fa? Tsendeccuja condase'fa: —Ingi quema shondosundeccuta gi ovejama coirasundeccu ingi tayopi'su coenzandeqquia'caeñi.

Génesis 9:20

Noéjan andema sema'su tsu. Tise tsu o'tie ofa tsajama joñe ashaen.

Éxodo 3:1

Moisésja tise quitsa ccashe'ye Jetro ovejandeccuma coira'je. Nane Jetro tsu Madián'su Chigama afa'su (tise faesu inise Reuel). Tsa'caen coira'jepa biani a'i menia angapa fae a'ta tsu Horeb ccotta'cconga nepi. Tsa ccotta'cco tsu Chiga can'jen'cho ccotta'cco.

Isaías 40:11

Ovejama coira'sia'caen jipa tise ovejama ñotsse coira'je. Nane oveja du'shuma opipa injama'ttinga munsin. Toya'caen oveja du'shuve an'bian'choma vasuitsse angacan.

1 Samuel 16:11

Tsomba Samuelja Isaíma iñajampaña: —¿Faesu du'shuveta ti qui an'biambi? Tsonsi tsu su: —Toya tsu fae'cco ñoa'me chu'a can'jen. Tiseja ovejama coira'su tsu. Tsonsi Samuelja su: —Mandaja cuintsu i'nga'faye. Nane tise toya jimbi'te ashaeñe oshambi gi.

1 Samuel 17:15

sundarondeccui'ccu can'jembi'ma Saúlni japa toequi Beléni shanda tise yaya ovejama coira'jeye.