Génesis 45:26 - Cofán: Chiga Tevaen'jen

²⁶ Tseni nepipa tise'pa yaya Jacobnga conda'fa José toya canse'choma. Toya'caen tsu condase'fa José pa'cco Egipto ande'su na'suve da'choma. Condasesi paña'ma ñoa'me su'chove in'jambi. Nane ma'caen tsomba suya'chove atesumbi.

Génesis 45:26 ပူးပေါင်းရင်းမြစ်များ

Génesis 37:31

Tsa'caen susi tisenga condapa José ondiccu'jema isupa tisupa fi'tti'cho chivo anjampai'ccu ondiccu'jema onjoen'fa.

Génesis 37:35

Inambani cansesi tise dutssiyendeccu onquengendeccu'qque tisema ziyaemba vuiquiañe in'jan'fa. Tsa'ma tiseja tsa'caen vuiquian'faya'chove in'jambipa tise dutssi'yene ina'jemba qquen su: “Papa pa'chondeccu can'jeni japa tisei'ccu cachuiccoya'ngae gi qquen ñombi'yepa inambani canseya.”

Génesis 42:29

Canaánni nepipa tise'pa yaya Jacobnga pa'cco tisupa ma'caen da'choma condasepa su'fa:

Génesis 42:36

Tsa'caen dyopa Jacobja su: —Du'shu me'ccoe qui ñama tsonjin'fa. Joséja ingi'ccu can'jembi. Simeón'qque tsa'cañi. ¡Ja'ñonda qui Benjamínma'qque itsaye in'jan'fa! ¡Pa'cco tsa nepi'cho tsu ña vanaña'chove da!

Génesis 42:38

Tsa'ma Jacobja su: —Ña dutssi'yeja que'i'ccu jaye oshambi tsu. Tise quindya José pasi tise'yi tsu ñai'ccu can'jen. Nane tisema angasi mingae da'nijan que'i qui shacapave da'faya va coenza ccashe'ye ñombi'yepa pa'chone.

Génesis 44:28

Tsa'su fae'cco tsu ña'ñe tayo joqquitssi. Tsa'cansi gi tisema atte'jembi. Tsampi'su ttesi tisema ansi tsa'caen nepi qquen gi in'jan.

Génesis 45:25

Egipto ande'ye sombopa Canaán andeni nepi'fa tise'pa yaya Jacob can'jeni.

Génesis 48:11

Tsomba Joséma su: —Minga'ni'qque quema atteya'bi qquen in'jan'cho gi Chiga anttesi quema attepa toya'caen que dushundeccuma'qque atte.

Job 9:16

Mapán ña tisema tansintsse su'chove iñajampañasi tise paña'an'qque ñoa'me ña aya'fama pañañambi —qquen gi in'jan.

Salmos 105:21

Somboemba tise tsa'o na'suve Joséma ccutsian. Pa'cco tise an'bian'choma mandapa coiraye antte

Jonás 2:7

Ñoa'me paye tson'jen qquen in'jamba gi quema in'jan ña Na'su. Ña quema iñajan'choma qui que can'jene paña.

Lucas 24:11

Tsa'ma tsendeccuja pañamba “Aqquia su'cho” qquen in'jamba in'jan'fambi.

Lucas 24:34

Tsonsi Jesúsma shondosundeccuja tise'pama su'fa: —Ñoa'me tsu Na'suja ccase qquendya. ¡Simónga tsu Tisuma attian!

Lucas 24:41

Tsa'ma tsendeccuja avuja'ma toya in'jañe osha'fambi. Toya asi'ttaen'jen'fa'ni Jesúsja su: —¿Aña'chomanda ti qui an'bian'fa?