Génesis 45:16 - Cofán: Chiga Tevaen'jen

¹⁶ Tsa'caen tsonsi faraón tsaone'qque José antiandeccu ji'chove paña'fa. Tsama pañamba faraón toya'caen poiyi'cco tisema shondosundeccu'qque avuja'fa.

Génesis 45:16 ပူးပေါင်းရင်းမြစ်များ

Génesis 16:6

Tsama pañamba Abramjan su: —Que canjan, va pushesuja quembe sema'su tsu. Tisema ma'caen tsoñe in'jan'da tsa'caen tsonjan. Tsa'caen susi Saraija Agarma tsain'bitsse egae tsincoñe ashaen. Tsa'caen tsinconsi Agarja ccuyin ja.

Génesis 20:15

Afepa su: —Que canjan pa'cco ña andema. Ma'ttima ñotssiave atte'ta tseni can'jenjan.

Génesis 34:18

Tsama pañamba Hamor, tise dutssi'ye Siquem tsa'caen tsoñe ñotssi qquen in'jan'fa.

Génesis 41:33

“Nane tsa'caen daya'si tsu ja'ño faraónjan tta'ttaya'cho fae tsandie injama'papa atesu'choma cuintsu Egipto'suma mandaye.

Génesis 41:37

José in'jamba su'choja faraóne toya'caen tisema shondosundeccune'qque ñotsse injienge.

Génesis 45:15

Omboe poiyi'cco tisu antiandeccuma munsimba mochapa i'na. Tsa'caen tson nanisi poiyi'cco tise antiandeccu Joséi'ccu condasecco'fa.

Génesis 45:17

Tsa'caen avujapa faraónjan Joséma su: —Que antiandeccuma suja cuintsu tise'pa borondeccunga andu'choma andiamba toequi Canaánni japa

Tson'fa'cho 6:5

Tsonsi poiyi'cco fae'ngae ñotsse in'jamba Estebama avuse'fa. Nane Chiga Qquendya'pa Estebama ñotsse in'jaen. Tsa'cansi Estebanjan pa'tssi injama'choi'ccu Jesúsve in'jamba paña. Toya'caen tsu avuse'fa Felipe, Prócoro, Nicanor, Timón, Parmenas, Nicolásma'qque. Tsa Nicolás tsu Antioquía canqque'su a'i, toya Jesúsve pañambi'te israendeqquia'caen Chigave in'jan'cho.

Tson'fa'cho 7:13

O'tie chavanga'choma sefaemba ccase ja'fasi tsu Joséja tise'panga tisuma conda. Tsomba Faraónga'qque condasesi tise'qque atesu José antiandeccuma.