Génesis 44:16 - Cofán: Chiga Tevaen'jen

¹⁶ Tsa'caen susi Judája su: —¿Ma'caen gi quenga conda'faya? ¿Ma'caen gi ingija shaca me'choave canjaen'faya? Chiga tsu ingi egae tsincon'choma tayo atte. Va'tti qui ingima an'bian tsangae quembe semasundeccuve, tsa tasama an'bian'choi'ccu fae'ngae.

Génesis 44:16 ပူးပေါင်းရင်းမြစ်များ

Génesis 37:7

Poiyi'cco gi nasipani sema'jemba trigoma taipa tandan'jen'fa. Tse'faei'ccuyi tsu ña tandan'choja jangipa na'sia'caen tansintsse ccutsu. Tsa'ma que'i tandan'choja ñambenga shoquendi'e ccutsupa utu'ccoandeqquia'caen ñambenga puntssan'fa.

Génesis 37:9

Can'jemba Joséja ccase ayo'opa tsama'qque tise antiandeccunga qquen condase: —¿Atesu'fa ti qui ccase gi ayo'o? Nane coejechiga, cose'suchiga, toya'caen once o'fe'qque ñanga puntssan'fa.

Génesis 44:17

Tsa'ma Joséja su: —Tsa'caenjan tson'masia tsu. Jo'su tsa tasama an'bian'choyi tsu ñambe tsangae sema'suve daya'cho. Que'ija opatsse qui que yaya tsaoni ja'faya'cho. Ni majañi'qque tsu que'ima noñangiaña'bi.

Génesis 44:32

Nane tsa'caen ña yaya se'pisi ña gi tisenga su: ‘Ña gi tsa du'shuve toyaquian'su.’ Toya'caen gi su: ‘Nane tisema vani toequi imbi'ta tsangae tisene quei'ccu shacapae dapa gi canseya.’

Génesis 44:9

Ingi'su majan quema shondosundeccu tsa tasama an'biamba atteye'ta cuintsu paja. Nane ingi'qque gi quembe sema'suve dapa tsangae canse'faya.

Mateo 7:2

Nane que'i cca'i shacama tta'ttapa suqquia'caen tsu Chiga'qque que'i shacama attepa suya. Que'i cca'indeccu egae tsincon'choma agattoqquia'caen tsu Tiseja que'i egae tsincon'choma'qque agattopa shacama atteya.

Lucas 12:2

Osha'cho ja'ño a'tu'chota jai'ngae canjaeña'cho. Ja'ño atesumbi'choa'qque jai'ngae atesuya'cho.

Tson'fa'cho 2:37

Qquen susi pañamba poiyi'cco pañasundeccu tisupa injama'choni asi'ttaemba ñombi'ye'fa. Ñombi'yepa Pedroma, faesu Jesúsne afasundeccuma'qque iñajampaña'fa: —Faengasundeccu, ¿ma'caen gi tson'faya?

Josué 7:1

Tsa'ma fae'cco Judá aindeccu'su, Acán qquen inisecho'choja, injama'cho shacapa Chigambe jincho qquen in'jamba isu. Nane Acán, tsa Carmi dutssi'ye tsu tsa'caen se'pi'choma isu. (Carmi tsu Zabdi dutssi'ye. Zabdi tsu Zara dutssi'ye. Poiyi'cco tsu Judá omba'su dutssiyendeccu.) Acán tsa'caen Na'su Chiga se'pi'choma isu'chosi Chigaja ñoa'me poiyi'cco israendeccuma iyicca'ye. Tsa'cansi tise'pa'qque tsambe shacai'ccuyi shacapave da'fa.

Josué 7:18

Zabdindeccu fae'cco fae'ccoa canjaen'fasi Na'su Chigaja Acán, tsa Carmi dutssi'yema canjaen. Nane Carmi tsu Zabdi dutssi'ye. Zabdi tsu Zara dutssi'ye. Poiyi'cco tsu Judá omba'su dutssiyendeccu.