Génesis 43:34 - Cofán: Chiga Tevaen'jen

³⁴ Tsa'caen dyaiñamba Joséja tisu mesani sheque'cho aña'choma afeye ashaemba Benjamíngaja cca'inga afe'choma ñoa'me ti'tsse nama afe. Tsa'caen tsu Joséja tisu antiandeccui'ccu cu'ipa avujatsse pasa.

Génesis 43:34 ပူးပေါင်းရင်းမြစ်များ

Génesis 35:24

Raquelnga du'sian'cho tsu José toya'caen Benjamín.

Génesis 45:22

Toya'caen cuna ondiccu'je ñotssiama poiyi'cconga afe cuintsu ondiccu'faye. Tsa'ma Benjamíngaja tresciento corifin'dima afepa cinco ondiccu'je ñotssiama afe.

2 Samuel 11:8

Tsa'caen iñajampañamba Uríasma manda cuintsu tise tsaoni japa onjomba ñofaccaye. Tsonsi Urías na'su tsaone sombopa ja. Tise jasi Davidja afe'chove aña'cho tayo sho'ccoen'choma tise tsaoni moe.

Mateo 11:19

Ja'ño ñajan Sefaccone Ji'cho A'i jipa gi osha'choma amba cu'i. Tsa'ma que'ija su'fa: “Va a'i ñoa'me panshaen an'jemba tse'tse'pa singo tsu. Egae tsinconsundeccu, govierno impuestoma isusundeccu'qque tisei'ccu fae'ngae jacan'fa.” Qquen qui su'fa. Tsa'ma Chigaja ñotsse in'jamba tsomba tsu Tise tansintsse in'jan'choma canjaen.

Juan 2:10

tisenga su: —Poiyi'cco a'i tsu o'tie ñotssia vinoma cui'ñañe atesu'fa. Tsonsi cu'isundeccu tsain'bitsse cu'i'fasi bove ansimbi'choama tsu cui'ñaña'cho. Tsa'ma queja bove ñotssiama an'biamba ja'ño somboemba cui'ña.

1 Samuel 1:5

Tsa'ma Anama ñoa'me ñotsse in'jamba tisengaja ti'tsse injan'tsse afe. Nane Na'su Chiga Ana du'shuve isuye anttembi'ni'qque toya tsu Elcanajan Anama ti'tsse in'jan.