Génesis 43:30 - Cofán: Chiga Tevaen'jen

³⁰ Joséja tise quinshinma camba injamáchoni chapepa i'nañe tson'jemba junde tisu ttuccuni ca'nimba tseccuni i'na.

Génesis 43:30 ပူးပေါင်းရင်းမြစ်များ

Génesis 42:24

Tsa'ma Joséja tise'pa su'choma pañamba tse'ttie sombopa ccani japa i'na. Nane afaye oshambi'tsse da'cho pasapa ccase tise'pani jipa Simeónma joqquitssiamba tise'pa caña'jen'ttinga tandan'faye manda.

Génesis 45:2

Nane i'nañe ashaemba quian'me i'nasi poiyi'cco tseni can'jen'cho egiptondeccu paña'fa. Pañamba conda'fasi na'su faraón'qque paña.

Génesis 46:29

José manda tise caroma ñoña'fasi tise yayama cachui'ngaye. Tise yayanga nepipa opipa'chonga munsin ccutsupa tsain'bitsse i'na.

Oseas 11:8

Efraíndeccu: ¿Ma'caen gi quema catiya? Ju, que'i israendeccu: ¿Ma'caen gi quema antteya? ¿Osha ti gi Adma canqquema sefaenqquia'caen que'ima'qque sefaeñe? Nane ¿Osha ti gi Zeboimma tsonqquia'caen que'ima'qque tsoñe? ¡Me'in! Injama'cho tsosipie que'ima ñotsse in'jansi ña in'jan'choja ccaninga tsu.

Tson'fa'cho 20:19

Nane cca'ima quinsepoembe'yi gi que'i'ccu can'jemba Na'su Jesús in'jan'choma sema. Toya'caen israendeccu ñama fi'ttiye in'jan'fasi vana'je'an'qque gi inanzaccui'ccu sema.

Tson'fa'cho 20:31

Injama'tse, ñotsse in'jan'faja ña que'i'ccu tres canqque'fave can'jemba poi a'ta poi cose quimbingae poiyi'cconga candusian'jen'choma.

Tson'fa'cho 20:37

Poiyi'cco i'namba Pabloma munsimba chigambiamba mochapa'fa.

Filipo'su 1:8

Chiga tsu atesu ña que'ima atteye in'jamba ñombi'ye'choma. Jesucristo que'ima in'janqquia'caen gi ña'qque que'ima in'jan.

Filipo'su 2:1

Tsa'camba Cristo que'ima fuite'ninda, tise que'ima in'jansi opatsse canse'ta, Chiga Qquendya'pa que'ima in'jaen'ninda, tisupapora ñotsse in'jamba mendeyecco'ta

Colosa'su 3:12

Chigaja que'ima ñotsse in'jamba que'ima ttu'se Tise'beve da'faye. Tsa'camba cca'indeccuma mende'yepa ñotsse tson'faja. Cca'indeccuma patsumbe'yi tise'pa asi'ttaemba in'jan'choma ñotsse paña'faja. Poiyi'ccoi'ccu ñotsse opatsse canse'faja.

2 Timoteoga 1:4

Que i'na'choma injan'jemba gi quema atteye ñombi'ye ña avujatssiye.

1 Juan 3:17

Toya'caen majan osha'choma an'bia'ma faenga'su mechosi tisema mende'yembi'ta, ¿ma'caen tsu tise injama'choi'ccu Chigama in'jaña?