Génesis 43:23 - Cofán: Chiga Tevaen'jen

²³ Tsa'ma tsa'oma coira'suja tise'pama su: —Vuiquipa dyombe can'faja. ¿Isha tsu que'i Chiga, tsa que yaya Chigaja, tsa'caen que'i corifin'dima saquiyonga ppiña'ña? Nane tayo gi tsa que'i afepoen'cho corifin'dima isu. Tsomba tsa'oma coira'suja Simeónma somboemba tise'pani anga.

Génesis 43:23 ပူးပေါင်းရင်းမြစ်များ

Génesis 42:24

Tsa'ma Joséja tise'pa su'choma pañamba tse'ttie sombopa ccani japa i'na. Nane afaye oshambi'tsse da'cho pasapa ccase tise'pani jipa Simeónma joqquitssiamba tise'pa caña'jen'ttinga tandan'faye manda.

Génesis 42:28

Attepa tise antiandeccunga su: —¡Que can'faja! ¡Ña corifin'dima toyaquiansi va'tti ña saquiyoni ppi'choma! Tsama attepa poiyi'cco tsendeccu dyopa tisupa injamáchoni chapepa tisupanaccu afacco'fa: —¿Jongoesie tsu Chigaja ingima qquen tson?

Génesis 42:36

Tsa'caen dyopa Jacobja su: —Du'shu me'ccoe qui ñama tsonjin'fa. Joséja ingi'ccu can'jembi. Simeón'qque tsa'cañi. ¡Ja'ñonda qui Benjamínma'qque itsaye in'jan'fa! ¡Pa'cco tsa nepi'cho tsu ña vanaña'chove da!

Génesis 43:14

Tsa Chiga Osha'choma Oshacho'cho tsu tisema in'jaeña cuintsu que'ima mendeyepa faesu que'i antian Simeónma fettapa Benjamínma'qque mingae tsombe'yi antteye. Ñajan, mapán du'shu me'ccoe da'a'qque cuin'qque gi tsa'caen me'ccoe daya.

Génesis 43:22

Toya'caen ti'tsse'tssi corifin'dive gi i'fa trigoma chavaye. Tsa'ma atesu'fambi gi majan ingi tayoe jipa chava'cho corifin'dima saquiyonga ppiña'chove.

Lucas 10:5

Majambe tsa'onga ansunde'ta na'suma chigambian'faja cuintsu opatsse canseye.

Lucas 24:36

Tsa'caen condase'je'fa'ni Jesús tise'panga attiamba enttingenga ccutsupa su: —Dyombe can'faja.

Juan 14:27

Ña jayipa gi antte que'i opatsse can'jen'faye. Ñajan injama'choni opatssipa gi tsa'caen que'inga afe'je. Va andesundeccu opatsse can'jeñe qquen suqquia'ca'manda afembi gi. Que'i injama'chone ñombi'ye'fajama. Dyombe can'jen'faja.

Juan 20:19

Tsequi a'ta, toya Domingo a'ta, cosesi ingi Jesúsma shondosundeccuja fae'ngae bojin sheque'fa. Israendeccuma dyojopa gi sombo'ttima piccojin can'jen'fa. Tsa'ma Jesúsja ingi enttingenga ji ccutsupa qquen chiga'bian: —¡Opatsse canse'faja!

Juan 20:21

Tsomba ccase Jesúsja inginga su: —¡Opatsse canse'faja! Ña Yaya ñama mandamoenqquia'caen gi ña'qque que'ima mandamoeña ñane condase'suve.

Juan 20:26

Ocho a'ta pasasi ccase ingija sombo'ttima piccojin dyai'fa tsaoni. Tsequija Tomás'qque can'jen. Tsa'caen piccojin dyai'fa'ni Jesúsja ingi enttingenga ji ccutsupa chigambian: —Opatsse canse'faja.

Jueces 6:23

Tsa'ma Na'suja tisema su: —¡Opatsse dyombe canjan! ¡Nane paya'bi qui!