Génesis 43:16 - Cofán: Chiga Tevaen'jen

¹⁶ Joséja Benjamín tsendeccui'ccu ji'chove attepa tise tsa'o coira'suma su: —Va aindeccuma ña tsaoni angapa fae vaurave fi'ttipa sho'ccoenjan. Nane ja'ño enttinge a'taja ñai'ccu tsu an'faya.

Génesis 43:16 ပူးပေါင်းရင်းမြစ်များ

Génesis 15:2

Tsa'ma Abramjan tisema su: —Na'su Chiga, ¿jongoesune tsu bare ña osha'choma injan'tsse isuye? Ñajan dutssi'yeve me'choa gi. Nane Queja ñanga du'shuma afembisi me'cco pa'ninda tsu tsa Damasco canqque'su Eliezer–ñambe sema'su a'i–pa'cco ña an'bian'choma isuya.

Génesis 21:8

Du'shu Isaacja coemba chochoma antte. Chochoma antte'cho a'ta Abrahamjan poiyi'cco a'ima ttu'sepa boñasi fiestaen'fa.

Génesis 26:30

Tsa'caen su'fasi Isaacja rande fiestave tson. Nane amba cu'ipa

Génesis 31:54

Tsa'caen tsomba Jacobja ccotta'cconga ansundepa Chiganga afeya'choma oque o'raemba tise antiandeccuma ttu'se cuintsu tseni an'faye. Ansundepa tseni amba cosesi tseniñi poiyi'cco ana'fa.

Génesis 43:17

José tsa'oma coira'suja José suqquia'caen tsendeccuma fae'ngae anga tise tsaoni.

Génesis 43:19

Tsa'caen supa José tsa'o'su sombo'ttinga nepipa tsa'oma coira'sunga catse'fa tisenga

Génesis 44:1

Tsomba tse'i Joséja tise tsa'oma coira'suma manda: —Va tsandiendeccumbe saquiyonga trigoma on'boenjan mangae tise'pa angaye o'shatsse. Toya'caen poi tsandiembe corifin'dima ppiñajan tise'pa angaya'cho saquiyonga.

Génesis 44:4

Toya canqquema biani ja'fambi'te Joséja tise tsa'oma coira'sunga su: —Va tsandiendeccuma omboemba cachuiccopa qquen suja: “¿Jongoesie qui ñotssiama egai'ccu afepoenqquia'caen tson'fa? ¿Jongoesie qui totoacori tasama cca'na'fa?