Génesis 42:21 - Cofán: Chiga Tevaen'jen

²¹ Tsa'ma tisupanaccu afaccopa su'je'fa: —Ñoa'me gi ingi quinshin Joséma egae tson'fa. Nane tise injamáchoni vana'jemba mendeye'faya'ma'caen iñajan'ni'qque gi tisema paña'fambi. Tsane gi ja'ño vanañe tson'jen'fa.

Génesis 42:21 ပူးပေါင်းရင်းမြစ်များ

Génesis 41:9

Tsa'caen osha'fambisi tasama afe'su na'suja faraónga su: —Ja'ño gi injanjangi ña aqque'papa egae tson'jen'choma.

Génesis 44:16

Tsa'caen susi Judája su: —¿Ma'caen gi quenga conda'faya? ¿Ma'caen gi ingija shaca me'choave canjaen'faya? Chiga tsu ingi egae tsincon'choma tayo atte. Va'tti qui ingima an'bian tsangae quembe semasundeccuve, tsa tasama an'bian'choi'ccu fae'ngae.

Génesis 45:3

Tsa'caen i'namba Joséja tise antiandeccunga tisungae su: —Ña gi José. ¿Ña yayata ti toya canse? Tsa'caen susi tsendeccuja tise caña'jen'tti ccutsupa ñoa'me dyopa afaye'qque osha'fambi.

Génesis 50:15

Tsa'caen Jacob pasi José antiandeccuja qquen in'jan'fa: “Isha tsu ja'ñonda Joséja ingima chi'gapa ccane'qque ingi tisema egae tsonqquia'caenjan tsoña.”

2 Samuel 12:13

Na'su tsa'caen su'choma pañamba Davidja Natánga su: —Na'su Chiganga gi egae tsincon. Natánjan Davidma su: —Na'su Chiga que egae tsincon'choma joqquitssiansi qui paya'bi.

Oseas 5:15

“Tisu can'jeni japa gi ronda'jeya tsendeccu tise'pa egae tsincon'choma in'jamba toequi shandapa ñama tta'ttaya'ngae. ¡Nane ñoa'me vana'jemba tsu ñama tta'tta'faya!”

Mateo 7:2

Nane que'i cca'i shacama tta'ttapa suqquia'caen tsu Chiga'qque que'i shacama attepa suya. Que'i cca'indeccu egae tsincon'choma agattoqquia'caen tsu Tiseja que'i egae tsincon'choma'qque agattopa shacama atteya.

Marcos 9:48

Tsenijan minsin'qque pa'masia, si'nge'qque paya'bi.

Lucas 16:28

ña cinco quinshingendeccunga. Tsendeccuma tsu condaya'cho vani vana'jen'chonga ji'fasa'ne.”

Tson'fa'cho 19:18

Tsain'bitssi a'i, tayo Jesúsve in'jamba jipa condase'fa tise'pa tayopi egae tsincon'choma.

Santiago 2:13

Nane Majan faesuma mende'yembian'da Chiga'qque mende'yembe'yi tsambe injama'choma somboeña. Tsa'ma majan faesuma mendeye'choja patsu'faya tsu, injama'choma somboeña'cho a'ta napisi.

1 Juan 1:9

Tsa'ma ingi egae tsincon'choma chi'gapa Chiganga condase'ninda Tiseja ño'amba ingima in'jamba pañamba tsu ingi egae tsincon'choma aqquepoeña. Nane osha'cho egae jincho'choma tsu ccuchaya.