Génesis 41:46 - Cofán: Chiga Tevaen'jen

⁴⁶ Joséja treinta canqque'fave an'bian'ni tsu tsa'caen tisema Egipto'su na'su faraónga anga'fa. Tsonsi Joséja faraónma chigambiamba pa'cco Egipto'su andenga jacañe ashaen.

Génesis 41:46 ပူးပေါင်းရင်းမြစ်များ

Génesis 37:2

Jacob dutssiyendeccune condase'cho tsu qquen: Joséja diez y siete canqque'fave an'biamba tise yaya ambian'chondeccu isu'cho dushundeccui'ccu fae'ngae ovejama coira'je. Nane Bilha dutssiyendeccu, Zilpa dutssiyendeccui'ccu coira'jepa tsendeccu egae tsincon'choma Joséja tise yayanga conda'je.

Génesis 41:47

Tsa siete canqque'fa pa'cco shacambitssia've dasi tsain'bitssi taiya'cho nepi.

Génesis 42:8

José tise quindyandeccuma attepa atesu'ni'qque tsendeccuja tisema atte'ma atesu'fambi.

Génesis 45:6

Tayo tsu dos canqque'fa va andeni qquipoesuiteve da'cho. Toya tsu cinco canqque'fa tsa'caen da'jeya. Nane jon'an'qque qui tai'faya'bi.

2 Samuel 5:4

Davidja treinta canqque'fave an'biamba na'suve dapa cuarenta canqque'fave tsa'caen can'jen.

1 Reyes 12:6

ja'fasi Roboamjan tise yaya Salomón'ñe cansuite tisema shondo'su coenzandeccuma iñajampaña: —¿Jongoesu qquen qui asi'ttaen'fa ña va aindeccuma suya'chove?

1 Reyes 12:8

Tsa'ma Roboamjan coenzandeccu su'choma chi'gapa tisui'ccu coen'fa'cho chu'a tsandiendeccu majan tisuma shondosundeccuma

Daniel 1:19

Tsa'caen angasi na'suja poiyi'cco dusungandeccui'ccu condasepa jo'su cuatroveyi atte cca'indeqquia'ma ti'tsse'tssindeqquia've. Tsendeccu tsu Daniel, Ananías, Misael toya'caen Azarías. Tsa'caen dapa tsendeccuja na'suma shondosundeccuve ca'ni'fa.

Daniel 1:4

majan ñotssipa, giya'tssipa, injama'pa, ñotsse pañaña'cho, pa'ccoma atesu'chondeccuma isi na'su ettini shondo'je'faye. Tsendeccunga tsu Babilonia'su aya'fama toya'caen tise'pa tayopi'su condase'choma'qque atesiaña'cho.

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Lucas 3:23

Jesúsja treinta canqque'fave napiamba a'ima atesiañe ashaen. Tiseja José dutssi'ye qquen tsu poiyi'cco a'i in'jan'fa. Joséja Elí dutssi'ye tsu.

Judas 1:24

Fae Chigayi tsu Jesucristoi'ccu ingima ccushaen'su. Tise tsu osha que'i egae tsinconsa'ne coirapa an'biañe. Toya'caen tsu osha que'ima egae tsincon'chove mechoe tsomba Tise ñotssianga ccutsiañe. Tseni qui ñoa'me avujatssi'faya. Chigaja ñoa'me ñotssia joccapitssia'pa osha'choma oshacho. Osha'choma'qque manda. Tayopi Tiseja tsa'caen jinchopa ja'ño'qque tsa'caen jincho. Tsangae tsu tsa'caen jinchoya. Tsangaeyi.