Génesis 41:38 - Cofán: Chiga Tevaen'jen

³⁸ Tsa'camba faraónjan su: —¿Osha'fa ti gi faesu tsandie qquen Chiga Qquendya'pama an'bian'chove atteye?

Génesis 41:38 ပူးပေါင်းရင်းမြစ်များ

Génesis 41:37

José in'jamba su'choja faraóne toya'caen tisema shondosundeccune'qque ñotsse injienge.

Daniel 4:18

“ ‘Tsa tsu ña, na'su Nabucodonosor, ayo'ocho. Ja'ño, Beltsasar, condaja jongoesune ña tsa'caen ayo'ochoma. Nane fae atesu'choyi'qque tsu ña'suja pañamba condaye oshambi. Tsa'ma queta qui condaye osha quei'ccu Chiga Qquendya'pa can'jensi.’

Daniel 4:6

Tsa'caen ayo'opa gi manda cuintsu poiyi'cco Babilonia'su atesu'chondeccu ñani jipa jongoesune tsa'caen ña ayo'ochoma ñanga conda'faye.

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Daniel 5:14

Nane paña gi queni Chiga Qquendya'pa can'jemba in'jaensi queja osha'choma a'tatsse in'jamba ñoa'me injama'pa, toya'caen atesu'cho qquen.

Daniel 6:3

tsa tisei'ccu fae'ngae presidentendeccuma ti'tsse injama'pa. Tsa'cansi tsu na'suja in'jan Danielma poiyi'cco nasundeccuma ti'tsse'tssia've tsoñe.

Daniel 6:4

Tsama in'jansi tsu fae'ngae presidentendeccu, toya'caen governadorondeccu'qque ma'caen tsomba tise egae tson'choma attepa na'sunga tsesuma egae tsomba shacaen qquen suye in'jamba tta'tta'fa. Tsa'ma Danielja ñoa'me ñotssia a'isi jongoesu shacama atte'fambi. Tsa'camba osha'fambi jongoesu tson'choi'ccu tisenga shacave tsoñe.