Génesis 41:15 - Cofán: Chiga Tevaen'jen

¹⁵ Ccutsusi faraónjan tisema su: —Ayo'o'choma gi ayo'o tsa'ma majañi'qque tsu tsa ayo'opa in'jan'choma condaye osha'fambi. Tayo gi paña queja ayo'o'choma pañamba condaye osha.

Génesis 41:15 ပူးပေါင်းရင်းမြစ်များ

Génesis 40:8

Tsonsi tsu su'fa: —Ayo'o'fa gi tsa'ma me'i'on tsu majan ingi ayo'opa in'jan'choma condaye. Tsonsi Joséja iñajampaña: —¿Isha tsu Chiga Quitsaja condaye oshaya? Tsa'ma ñanga condasecan'faja que'i ayo'o'choma.

Génesis 41:8

Tsa'ma ccaqui a'ta sinte'ye ñoa'me asi'ttaén dyaipa manda cuintsu poiyi'cco Egipto'su jai'ngae ma'caen daya'chove condasundeccu, injama'pandeqquiama'qque ttu'se'faye. Ttu'sesi ji'fasi faraónjan tise ayo'o'choma condase. Tsa'ma majan tsendeccu'suyi'qque ayo'opa in'jan'choma condaye osha'fambi.

Daniel 2:3

na'suja qquen su: —Ayo'opa gi tisu jongoesune ayo'ochove atesu qquen panshaen asi'ttaemba vana'jen.

Daniel 4:18

“ ‘Tsa tsu ña, na'su Nabucodonosor, ayo'ocho. Ja'ño, Beltsasar, condaja jongoesune ña tsa'caen ayo'ochoma. Nane fae atesu'choyi'qque tsu ña'suja pañamba condaye oshambi. Tsa'ma queta qui condaye osha quei'ccu Chiga Qquendya'pa can'jensi.’

Daniel 4:9

‘Beltsasar, jai'ngae ma'caen daya'chove atesu'chondeccumbe na'su qui. In'jan gi quemajan joccapitssia Chiga Qquendyapa tsu angacan. Toya'caen qui osha'cho ma'caen atesu'ma'sia'a'qque tayo atesu. Ña ayo'opa atte'choma pañamba ñanga condaja jongoesune tsa'caen ña ayo'ochoma.

Daniel 5:12

Tsa tsu Daniel. Tsama tsu que yayaccashe'ye na'suiteja Beltsasar qquen inisian. Tsani tsu Chiga Qquendya'pa can'jemba in'jaensi ñoa'me injama'pa've dapa osha'choma pañamba in'jañe atesu. Toya'caen jongoesune ayo'ocho ma'caen in'jamba conda'masia'ma'qque condaye osha. Ma'caen tise conda'ninda tsa'caen tsu daya. Tsa Danielma ttu'seja, Ti'tsse'tssia. Tsa tsu va ttuccu utufanga tevaen'choma camba jongoesu qquen su'choma condaye osha.

Daniel 5:14

Nane paña gi queni Chiga Qquendya'pa can'jemba in'jaensi queja osha'choma a'tatsse in'jamba ñoa'me injama'pa, toya'caen atesu'cho qquen.

Daniel 5:16

Nane queja osha'cho aiye'pa atesupa conda'masia'ma'qque condaye osha qquen gi paña. Ja'ño que oshapa va su'choma camba jongoesu qquen su'choma ñanga conda'ninda gi na'sumbe cu'a sarupa ondiccu'jema ondiqquiamba que tsifonga'qque cori candenama andiaña. Toya'caen ña manda'je'cho'su tercer na'suve gi tsoña.