Génesis 40:8 - Cofán: Chiga Tevaen'jen

⁸ Tsonsi tsu su'fa: —Ayo'o'fa gi tsa'ma me'i'on tsu majan ingi ayo'opa in'jan'choma condaye. Tsonsi Joséja iñajampaña: —¿Isha tsu Chiga Quitsaja condaye oshaya? Tsa'ma ñanga condasecan'faja que'i ayo'o'choma.

Génesis 40:8 ပူးပေါင်းရင်းမြစ်များ

Génesis 40:9

Tsa'caen susi tasama afe'su na'suja Josénga tise ayo'o'choma qquen condase: —Ayo'opa gi atte o'fa tsaja o'fama,

Génesis 41:25

Joséja pa'ccoma pañamba faraónga su: —Tsa faraón dos ayo'opata tsu fae tsoña'choneñi ayo'o'cho. Chiga tsu quenga conda tisu ma'caen tsoña'choma.

Daniel 2:11

Ti'tsse'tssia na'su, ñoa'me aiye'pave qui iñajan ni majañi'qque condaye osha'masia've ñoa'me chigandeccuma iñajanqquia'caen. Tsa'ma tsendeccuja a'ini can'jen'fambi.

Daniel 2:27

Tsonsi Danielja su: —Me'i'on tsu ni majan atesu'cho ma'caen jai'ngae daya'chove atesu'chondeccu, injama'pa, toya'caen o'fema camba ma'caen daya'chove atesu'chondeccu, tsa Que Ti'tsse'tssia atesuye injan'choma in'jamba condaya'chove.

Daniel 2:28

Tsa'ma fae Chigayi tsu sefaccone que injan'choma canjaen. Toya'caen tsayi tsu Que Ti'tsse'tssia ma'caen jai'ngae daya'choma conda. Ja'ño gi condaya Que Ti'tsse'tssia anamba ayo'opa atte'choma:

Daniel 2:3

na'suja qquen su: —Ayo'opa gi tisu jongoesune ayo'ochove atesu qquen panshaen asi'ttaemba vana'jen.

Daniel 2:47

Omboe Danielnga su: —Ñoa'me que'i Chiga tsu poi chigandeccuma ti'tsse joccapitssia Chiga. Tsa tsu nasundeccumbe Na'su toya'caen osha'cho atesu'ma'sia'ma attian'su. Nane queyi qui tsa atesu'masia'ma atesupa condaye osha.

Daniel 4:8

Osefa'poe tsu Daniel, tsa Beltsasar'qque ña chigandeccune ñotssiave inisian'choaja ji. Tsama tsu ñoa'me joccapitssia Chiga Qquendya'paja angacan. Tise jisi gi ña ayo'ochoma condaseye ashaemba qquen su:

Daniel 5:16

Nane queja osha'cho aiye'pa atesupa conda'masia'ma'qque condaye osha qquen gi paña. Ja'ño que oshapa va su'choma camba jongoesu qquen su'choma ñanga conda'ninda gi na'sumbe cu'a sarupa ondiccu'jema ondiqquiamba que tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Amós 3:7

Nane Na'suja jongoesuve tson'jen'da tsu tise Aya'fama afasundeccunga conda.