Génesis 40:20 - Cofán: Chiga Tevaen'jen

²⁰ Tres a'ta pasasi tsu na'su faraón canqque'fa nepi. Nepisi rande fiestave tisema shondosundeccui'ccu tson. Tise ttu'sesi ji'chondeccu caña'jen'ni faraónjan manda cuintsu picco'je'tti'ye tasama afe'su na'su toya'caen panma matssan'su na'suma'qque somboemba tiseni i'faye.

Génesis 40:20 ပူးပေါင်းရင်းမြစ်များ

Génesis 21:8

Du'shu Isaacja coemba chochoma antte. Chochoma antte'cho a'ta Abrahamjan poiyi'cco a'ima ttu'sepa boñasi fiestaen'fa.

Génesis 40:13

Nane tres a'ta pasasi faraónjan quene injanjangipa ccase que semaqque'sungayi quema ca'niaña. Tsonsi qui tayoa'caeñi na'su faraónga que tivei'ccu angapa cuiña'jeña.

Génesis 40:19

Tres a'ta pasasi quene injanjangipa na'su faraónjan mandasi quema quini'cconga fi'ttiya. Fi'ttisi chhiriria que ai'voma an'faya.

1 Reyes 3:15

Tsonsi Salomón qquendyapa bittapa in'jan tisu ayo'o'choma. Tsa'caen in'jamba toequi Jerusaléni japa Chiga a'i'ccu injancco'fa'cho cafonga catsepa fi'ttipa afe'choma oque o'raemba Chiganga afe Chigai'ccu ñoquiye.

Job 3:1

Osefa'poe Jobja ziyapayi dyai'cho afaye ashaemba tise isuye'cho a'tama afasepa

Salmos 105:19

Nane Na'su Chigaja José in'jan'choma atesuye in'jamba tisema tsa'caen vanae José tisu jai'ngae tsoña'chove su'choma tsoña'ngae.

Mateo 14:6

Tsonsi Herodes canqque'fa napisi fiestaen'jen'fa. Herodías onque'ngeja fiestani bo'fa'chonga jipa boira'je. Boira'jesi Herodes camba avuja.

Mateo 25:19

Bo'tssingae na'su toequi jipa coirasundeccuma iñajan tise afe'choma cuintsu toyaquian'faye.

Marcos 6:21

Tsonsi Herodías ronda'je'cho a'ta napi. Tsequi a'ta na'su Herodes canqque'fa napisi fiestaen'jen'fa. Nane fiestaemba poiyi'cco nasundeccu, sundaro capitándeccu, Galilea'su joccapindeqquiama'qque ofian'jen.