Génesis 37:7 - Cofán: Chiga Tevaen'jen

⁷ Poiyi'cco gi nasipani sema'jemba trigoma taipa tandan'jen'fa. Tse'faei'ccuyi tsu ña tandan'choja jangipa na'sia'caen tansintsse ccutsu. Tsa'ma que'i tandan'choja ñambenga shoquendi'e ccutsupa utu'ccoandeqquia'caen ñambenga puntssan'fa.

Génesis 37:7 ပူးပေါင်းရင်းမြစ်များ

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Génesis 37:6

qquen condasesi pañamba: —Paña'faja ña tisu ayo'o'choma que'inga condasesi.

Génesis 42:6

Joséja ande na'suve dapa poiyi'cco ccane ji'chondeccunga trigoma chavaen'su tsu. Tsa'cansi tise antiandeccuja tisenga jipa andenga camba'jui'ccu puntssan'fa.

Génesis 42:9

Tsa'caen atesu'fambisi Joséja tayoe tise'pane ayo'o'choma injanjangi in'jamba su: —Que'i qui a'tutsse jacamba attesundeccu. Nane aqquia qui ji'fa ma'caen ingi andema patsuya'chove atteye.

Génesis 43:26

Tsa'caen ronda'je'fani José tisu tsaoni jisi tsendeccuja tisenga afeya'choma afepa andenga camba'jui'ccu puntssan'fa.

Génesis 43:28

Tsendeccuja ccase puntssamba su'fa: —Ingi yaya, quema shondo'suja ñotssi tsu. Toya tsu canse.

Génesis 44:14

Judá, tise antiandeccui'ccu jipa José tsaoni nepisi Joséja toya can'jen. Tsa'caen can'jensi poiyi'cco tisenga ccaru'fa. Nane camba'ju andenga ppo'rotsse puntssan'fa.

Génesis 44:18

Tsonsi Judája Josénga catsepa su: —Na'su, quema gi iñajan, chigáne antteja ña re'riccoe quenga a'tutsse afaye. Nane ñama iyicca'yembe'yi ñotsse pañajan. Queja ñoa'me qui na'su faraóni'ccu fae'ngatssi.

Génesis 44:19

Que qui ingima tayoe iñajampaña: ‘¿Yaya'pa'fa ti qui? ¿Faesu antianmenda ti qui an'bian'fa?’

Génesis 50:18

José ina'jen'ni ñoa'me tise antiandeccu'qque jipa andenga camba'jui'ccu puntssan ccuipa qquen su'fa: —Que canjan, va'tti qui ingima an'bian tsangae quembe semasundeccuve.

Filipo'su 2:10

cuintsu poiyi'cco majan Jesús inisema paña'da ccarupa dyai'faye. Nane poiyi'cco Chiga sefacconi can'jensundeccu, poi ande'su can'jensundeccu, cocoyai'ccu can'jensundeccu'qque tsa'caen tsu ccaru'faya.

Colosa'su 1:18

Toya'caen poiyi'cco Jesúsve in'jan'chondeccu fae ai'voacañi'fa tsu. Jesucristoja tsendeccumbe tsove tsu. Tiseja otien'su. Toya'caen tiseja o'tie papa ccase qquendya'su tsu. Tsa'caen tsomba tiseja osha'chone ti'tsse joccapitssia've da.