Génesis 37:35 - Cofán: Chiga Tevaen'jen

³⁵ Inambani cansesi tise dutssiyendeccu onquengendeccu'qque tisema ziyaemba vuiquiañe in'jan'fa. Tsa'ma tiseja tsa'caen vuiquian'faya'chove in'jambipa tise dutssi'yene ina'jemba qquen su: “Papa pa'chondeccu can'jeni japa tisei'ccu cachuiccoya'ngae gi qquen ñombi'yepa inambani canseya.”

Génesis 37:35 ပူးပေါင်းရင်းမြစ်များ

Génesis 25:8

Nane opatsse cansé coenza ccashe'yeve dapa pa. Papa tise tayopi'su coenzandeccu can'jen'ni (Chiga sefacconi) ja.

Génesis 31:43

Tsa'caen susi Labánjan Jacobnga su: —Pushesundeccuja ña onquengendeccu tsu. Dushundeccuja ña jarichondeccu tsu. Oveja'qque ña ovejandeccu tsu. Nane pa'cco va'ttima atte'choja ñambeyi tsu. Tsa'ma, ¿ma'caen gi va ña onquengendeccu, tise'pa an'bian'cho dushundeccuma'qque tsoña?

Génesis 35:29

Papa tise tayopi'su coenzandeccu Chiga sefacco can'jeni ja. Tsa'caen pasi tise dushundeccu Esaú toya'caen Jacob tisema a'tu'fa.

Génesis 42:31

Tsa'ma ingija tisenga su'fa ingija ñotssia a'ipa minga'ni'qque gi a'tutsse ttatta'suve dapa jacan'fambi;

Génesis 42:38

Tsa'ma Jacobja su: —Ña dutssi'yeja que'i'ccu jaye oshambi tsu. Tise quindya José pasi tise'yi tsu ñai'ccu can'jen. Nane tisema angasi mingae da'nijan que'i qui shacapave da'faya va coenza ccashe'ye ñombi'yepa pa'chone.

Génesis 45:28

Avujapa su: “¡Nanitssi tsu ña dutssi'ye José toya canse'choma ña pañasi! Toya pambi'te gi japa tisema atteya.”

Génesis 48:11

Tsomba Joséma su: —Minga'ni'qque quema atteya'bi qquen in'jan'cho gi Chiga anttesi quema attepa toya'caen que dushundeccuma'qque atte.

2 Samuel 12:17

David tsa'o'su coenzandeccu tisenga catsepa iñajan'fa cuintsu ande'ye jangiye. Tsa'ma jangimbi ni tise'pai'ccu jongoesuma an'jembi.

2 Samuel 12:23

Tsa'ma ja'ño pa'ninda ¿ma'caen gi ambecaña? Oshambi gi du'shuma ccase qquendyaeñe. Nane jai'ngae gi tiseni jaya. Tsa'ma tiseja toequi ñani jiya'bi.

Job 2:11

Jobja tres amigondeccuve an'bian. Temán ande'su Elifaz, Súa ande'su Bildad, toya'caen Naamat ande'su Zofar. Tsendeccuja pa'cco Job ma'caen vana'jen'choma pañamba tisema can'su jiye asi'ttaen'fa. Asi'ttaen nanimba ji'fa aya'fai'ccu fuitepa fae'ngae can dyaiye.

Jeremías 31:15

Na'suja qquen su: “Ramá andene aya'fama paña'fa, i'namba ñombi'yepa ñoa'me fundo'je'choma. Tsata tsu Raquel, tise dushundeccune ñombi'yepa ina'jen. In'jambi tsu tise ina'jen'choma vuiquiya. Nane tsangae tsu tise dushundeccuja pa'fa.”