Génesis 37:34 - Cofán: Chiga Tevaen'jen

³⁴ Tsa'caen supa Jacobja tisu ondiccu'jema chittapa pasi ñombi'ye'choma canjaenqque'su ondiccu'jema ondiccu. Tsa'caen ondiccupa tsain'bio a'ta tise dutssi'ye pa'chone inambani canse.

Génesis 37:34 ပူးပေါင်းရင်းမြစ်များ

Génesis 37:29

Tsa'caen tson'fa'chove atesumbipa Rubénjan toequi posoni jipa Joséve attembipa tise ondiccu'jema chitta tisu ñombi'ye'choma canjaeñe.

Génesis 42:38

Tsa'ma Jacobja su: —Ña dutssi'yeja que'i'ccu jaye oshambi tsu. Tise quindya José pasi tise'yi tsu ñai'ccu can'jen. Nane tisema angasi mingae da'nijan que'i qui shacapave da'faya va coenza ccashe'ye ñombi'yepa pa'chone.

Génesis 44:13

Tsa'caen attesi tsendeccuja tisupa ondiccu'jema chitta'fa ñombi'ye'choma canjaeñe. Tsa'caen tsomba poiyi'cco tisumbema boronga andiamba toequi canqqueni ji'fa.

2 Reyes 19:1

Judá'su na'su Ezequíasja tsama pañamba iyicca'yepa tisu ondiccu'jema chi'tta. Chi'ttapa faesu tsincco'cco'je'cco'a sarupama ñoña'cho ondiccu'jema ondiccu tisu ñombi'ye'choma canjaeñe. Tsa'caen ondiccupa Na'su Chiga ettini ja.

2 Reyes 2:12

Tsama attepa Eliseoja quian'me su: “¡Ña yaya, Ña yaya'can qui! ¡Que qui coira'su sundaro caro, coira'su cavayo sundarondeqquia'can Israelma coira'su!” Tsama attepa ccase Elíasma attembi. Tsomba tse'i Eliseoja tisu ñombi'ye'choma canjaeñe in'jamba tisu ondiccu'jema indipa chitta.

2 Reyes 22:11

Chiga Tevaen'jen manda'choma pañamba na'suja tise ondiccu'jema chitta, ñombi'ye'choma canjaeñe.

Nehemías 9:1

Omboe, tsa ccovu'su a'ta veinte y cuatroqui, poi israendeccu ccase bo'fa. Bopa ambe'yi tisupa egae tsincon'chone ñombi'ye'choma canjaeñe in'jamba tsincco'cco'je'cco'a sarupa ondiccu'jema ondiccupa ande ccuttopa'sima tisu tsovenga ganga'fa.

Job 1:20

Tsonsi Jobja jangipa tisu ñombi'ye'choma canjaeñe tise ondiccu'jema chitta ttova. Tsomba pa'cco tise tosema'qque fuchha catipa andenga puntssan dyaipa Chigama iñajamba

Job 2:12

Jipa biaccayi Jobma can'boen ccutsu'fa. Nane Jobnga qquepa can'boemba fundopa i'na'fa. Tsa'caen ñombi'yepa tise'pa ondiccu'jema chitta ttovapa andema'qque sefaningae pa'fu ganga'fa. Toya'caen tsovenga'qque andema ovivi'fa.

Salmos 69:11

Ña ñombi'ye'choma canjaeñe tsincco'cco'je'cco'a sarupama ondiccusi cca'indeccu co'fepa afase'fa.

Joel 2:13

Tsa'cansi tsu toequi Na'su que'i Chiganga shanda'faya'cho. ¡Tisu sarupama chittambe'yi que'i injama'choma chittaqquia'caen cambiaña'cho! Nane Na'suja junde iyicca'yembipa que'ima ñoa'me in'jamba mende'yepa que'inga egae tsoñe in'jambi. Tsonsi Na'suja su:

Mateo 11:21

—¡Vana'faya qui Corazín canqquesundeccu! ¡Vana'faya qui Betsaida canqquesundeccu! Que'ija ñotsse Chiga tson'choma atte'fa. Chiga tsa'caen Tiro, Sidón canqquenga tsoña'choecan'da ñoa'me tsu junde tseni'su aindeccu tise'pa egae tsincon'choma chi'gapa Chigama iñajan'faye'can. Ñombi'yepa canjaen'cho sarupai'ccu ondiccupa cusepai'ccu tsu onjon'faye'can tisu egae tsincon'choma catiye in'jan'choma canjaeñe.

Mateo 26:65

Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.

Tson'fa'cho 14:14

Tsa'caen tson'jen'fasi Jesúsne afasundeccu Bernabé, Pablo'qque a'i in'jan'choma attepa tisupa ondiccu'jema chitta'fa. Tsa'caen tsu tson'fa a'i in'jan'choma se'pi'chove canjaeñe. Tsomba a'inga butto catsepa quia'me afa'fa:

Josué 7:6

Tsama pañamba Josuéja iyicca'yepa tisu ñombi'ye'choma canjaeñe in'jamba tisu ondiccu'jema chi'ttapa Chiga a'i'ccu injancco'fa'cho cafonga catsepa camba'jui'ccu andenga puntssan ccui. Nane cose'tsse tsu tsa'caen puntssan ccui. Israe'su coenzandeccu'qque tsa'caen tsomba ande'su totopa'ma tisupa tsovenga ganga'fa.

Canjaen'cho 11:3

Tsa'ma ñambe dos afasundeccuma gi moeña. Tsendeccuja mil dosciento sesenta a'ta tsu ñane afa'faya. Nane pajaen'cho qquen injan'jeñe si'ame ondiccupa tsu afa'faya.