Génesis 37:27 - Cofán: Chiga Tevaen'jen

²⁷ Nane bove ñotssi tsu fi'ttimbe'yi jova ismaelitandeccunga chavaeñe. Nane ñoa'me ingi antian tsu. Tsa'caen susi tise antiandeccu'qque Judá in'janqquia'caen fae'ngae in'jan'fa.

Génesis 37:27 ပူးပေါင်းရင်းမြစ်များ

Génesis 29:14

Condase nanisi Labánjan su: “Ñoa'me qui queja ña anjampa'suyi.” Jacobja fae ccovu pa'cco Labáni'ccu can'jen.

Génesis 37:22

Ni tise anjampama tssañambe can'faye. Va a'i menia jincho posonga amppian moe'faja. Tsa'ma tisema mingae tsombe'yi can'faja. Rubénjan tise quinshin Joséma ccushaemba toequi tise yayani moeñe in'jamba tsa'caen su.

Génesis 42:21

Tsa'ma tisupanaccu afaccopa su'je'fa: —Ñoa'me gi ingi quinshin Joséma egae tson'fa. Nane tise injamáchoni vana'jemba mendeye'faya'ma'caen iñajan'ni'qque gi tisema paña'fambi. Tsane gi ja'ño vanañe tson'jen'fa.

Génesis 50:20

Que'ita qui ñama egae tsoñe in'jan'fa. Tsa'ma Chiga tsu tsa ega'ye cambiamba ñotssiave canjaemba tsain'bio a'ima ccushaen, ingi ja'ño a'ta atteqquia'caen.

2 Samuel 12:9

¿Micomba qui Na'su Chiga aya'fama chi'gapa tise in'jambi'choa've tson? Queja Uríasma fi'ttipa tise pushema itsa tisumbe. Nane amonita sundaroi'ccu qui tisema fi'ttian.

Mateo 16:26

¿A'ija jongoesune tsu bareya poiyi'ccoma patsupa osha'choma an'biamba toya'caen tisu canse'choma qqueña'da? Nane ¿mi'getsse tsu afepoeña'cho a'ija tise canse'choma chavaye?

Mateo 26:15

Chigama afa'su nasundeccunga japa su: —Ña Jesúsma que'i indiye afe'nijan ¿mi'getsse qui ñanga afepoeña?

1 Timoteoga 1:10

Nane pushembe can'jemba faesu pushesui'ccu, tsambi'ta faesu tsandiei'ccu fae'ngae egae tsincon'suma tsu se'pi. A'ima indipa ccani angapa semoensundeccuma tsu se'pi. Toya'caen afopoensundeccuma'qque tsu se'pi. Nane osha'cho jongoesu ñotsse atesian'chone ccaninga'osi, tsama tsu manda'choja se'pi.

Canjaen'cho 18:13

nane ispingo, ñome'ba, oque oraenqque'su ñome'ba, mirra seje'pa, ño'metssia onjonqque'su yayapa; vino, yayapa, panme ñoñaqque'su, ppu'ppu'qque; vaura, oveja, cavayo'qque; cavayoi'ccu qquitssaqque'su caro, a'i semasundeccu'qque. Tsa'caen tsu chavaen'fa. Nane a'i injama'choma chavaenqquia'caen tsu tsa'caen chavaen'fa. Pa'cco va tise'pa an'bian'choma chavaeñe oshambipa tsu ñoa'me i'na'faya.