Génesis 35:5 - Cofán: Chiga Tevaen'jen

⁵ Tsa'caen a'tupa tsa canqque'ye sombo'fasi Chigaja poiyi'cco tse'tti pporotsse canjensundeccuma dyo'faya'chove in'jaen cuintsu Jacob dushundeccuma mandiambe can'faye.

Génesis 35:5 ပူးပေါင်းရင်းမြစ်များ

Génesis 34:30

Tsa'caen tson'fasi Jacobja Simeón, Levíma su: —Que'ija tsa'caen tsomba qui tayo ñama daño'fa. Ja'ño tsu va andeni canjensundeccu, tsa cananeondeccu, ferezeondeccu'qque ñama chi'ga'faya. Tsa'caen chi'gapa tisupanaccu bopa ñai'ccu iyiccoye ashaen'faya. Ñajan tsain'bitssi a'ive an'biambisi tsu ñama fi'ttipa poiyi'cco ñai'ccu canjensundeccuma fi'tti'faya.

Génesis 35:4

Tsonsi poiyi'cco tise'pa an'bian'cho faesu chigama Jacobnga afe'fa. Toya'caen tise'pa sasiyoma'qque Jacobnga afesi tiseja pa'ccoma isupa pa'cco tsama a'tu Siquem canqque pporotssi'su roble quini'jin tsosiccunga.

Salmos 105:14

Tsa'ma Na'su Chigaja anttembi cuintsu faesu ande'su aindeccu tise'pama noñangiañe. Nane nasundeccu noñangiañe tson'jen'ninda tsu qquen iyu'u:

Salmos 14:5

Tsa'ma Chigaja tise ño'an pañasundeccui'ccu can'jensi egae tsonsundeccuja ñoa'me oshambipa dyopa ttun'dundu'je'faya.

Éxodo 23:27

“Nane ña gi tsoña cuintsu poiyi'cco cca'isundeccuja ña que'i'ccu can'jen qquen in'jamba dyojo'faye. Toya'caen mani'su aindeccunga que'i ja'fa'nijan tise'pa injama'choma gi qqueñaña cuintsu que'ima attepa ccuya'faye.

Éxodo 34:24

Ña gi faesu andesundeccuma joqquitssiamba tise'pa andema que'inga afe'ñaccaya. Tsa'cansi que'i poi canqque'fanga tres se Na'su que'i Chiganga catseye japa tisu andeni can'jembi'ni'qque tsu majañi'qque que'i andema itsaya'bi.

Deuteronomio 2:25

Ja'ño a'ta tsu poiyi'cco tsa ande'su aindeccu que'ima ñoa'me dyojoye ashaen'faya. Nane que'ine jongoesuma paña'da tsu ttun'dundu'je'e dyojo'faya. Toya'caen que'ine asi'ttaen'da tsu ñotsse in'jambitsse da'faya.”

Josué 5:1

Na'su Chiga Jordánma samboensi israendeccu ise'choma pañamba chiga amppi'jeni canjensundeccu, tsa amorreo'su nasundeccu toya'caen mar otafa'su cananeo'su nasundeccu'qque ñoa'me dyopa tise'pa injama'choni chape'fa. Nane dyojo'fa tsu israendeccui'ccu iyiccoye.