Génesis 34:30 - Cofán: Chiga Tevaen'jen

³⁰ Tsa'caen tson'fasi Jacobja Simeón, Levíma su: —Que'ija tsa'caen tsomba qui tayo ñama daño'fa. Ja'ño tsu va andeni canjensundeccu, tsa cananeondeccu, ferezeondeccu'qque ñama chi'ga'faya. Tsa'caen chi'gapa tisupanaccu bopa ñai'ccu iyiccoye ashaen'faya. Ñajan tsain'bitssi a'ive an'biambisi tsu ñama fi'ttipa poiyi'cco ñai'ccu canjensundeccuma fi'tti'faya.

Génesis 34:30 ပူးပေါင်းရင်းမြစ်များ

Génesis 12:12

Nane Egiptondeccu quema atte'ta tsu su'faya: ‘Va pushesu tsu va tsandiembe pushe.’ Tsa'caen in'jamba tsu ñama fi'ttiya quema canseveyi itsapa an'biañe.

Génesis 12:2

Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Génesis 12:6

tsa ande enttingeni japa Siquem canqqueni nepi'fa. Nane Siquemni tsu More roble quini'ccoccuja jin, tsa chigama iñajan'jen'tti. Cananeondeccu tsu tsa canqqueni can'jen'fa.

Génesis 13:7

Toya'caen Abram vaurama coirasundeccuja Lot vaurama coirasundeccui'ccu sepiccopa tssetssecco'fa.

Génesis 34:2

Tsa'caen jasi Hamor dutssi'ye, Siquem, tisema atte. Tsa Hamorja, heveo'su a'i tsu tsa canqque na'su. Siquemjan Dinama attepa cunshangopa indipa tisei'ccu ccuipa egae tson.

Génesis 34:29

Nane pa'cco tsaoni bare'cho jinchoma somboemba pa'cco dushundeccu, pushesundeccuma'qque indipa anga'fa.

Génesis 34:31

Tsa'ma dutssiyendeccuja su'fa: —¿Ñotssi ti tiseja ingi antianma tsa'caen tisu ai'voi'ccu gana'su pushesuma'caen tsoñe?

Génesis 46:26

Poiyi'cco Jacobi'ccu Egiptoni ji'chondeccuta tsu sesenta y seis a'i. Nane tise dutssiyendeccumbe pushendeccuma agattombe'yi jo'su tise atapoen'choveyi tsu agatto.

Génesis 46:27

Toya'caen José dos dutssi'ye Egipto andeni isuye'chondeccu. Tsendeccui'ccu tsu setenta a'ive nepi Jacob atapoen'cho Egiptoni nepi'cho aindeccu.

1 Reyes 18:18

Tsa'ma Elíasja su: —Ñajan Israelma noñangian'sumbi gi. Tsa'ma que toya'caen que aindeccu Na'su Chiga manda'choma catipa Baal chigandeccuma iñajamba qui Israelma noñangian'fa.

Salmos 105:12

Tsequi a'ta israendeccuja re'riccopa, faesu ande'su aindeqquia'caen can'jen'an'qque

Éxodo 5:21

Tsomba su'fa: —Cuintsu Na'su Chiga que'i ingima tson'choma attepa que'i injama'choma somboenjan. Nane que'i qui shacapa'fa faraón toya'caen tise mandasi semoeñe mandasundeccu'qque ingima chi'ga'fa'chone. Que'iyi qui tson'fa tise'pa ingima sema'moen cansepa sefaen'faya'chove.

Deuteronomio 7:7

Na'su Chiga ti'tsse injan'on aindeccuma tta'ttambipa que'i injan'ombi'ma attepa tisumbeve isu. Nane que'ija ñoa'me faesu aindeccuma bove'cco qui.

Josué 7:25

Tseni nepipa tsu Josuéja Acánma su: —Queja ingima da'ño. Tsa'cansi tsu Na'su Chigaja ja'ño a'ta quema'qque dañoña. Tsa'caen susi poi israendeccu patuma isupa ttova'ccoen fi'tti'fa Acánma. Nane pa'cco tise'bema'qque tsa'caen patui'ccu fi'ttipa pa'ccoma si'ngei'ccu oque cati'fa.

1 Samuel 16:2

Pañamba Samuelja su: —¿Ma'caen gi tsa'caen tsoña? Nane Saúl tsama paña'da tsu ñama fi'ttiya. Tsonsi Na'su Chigaja su: —Vaura pushe du'shuma angapa suja: ‘Ña gi ji quei'ccu Na'su Chiganga vama fi'ttipa afeye.’