Génesis 34:2 - Cofán: Chiga Tevaen'jen

² Tsa'caen jasi Hamor dutssi'ye, Siquem, tisema atte. Tsa Hamorja, heveo'su a'i tsu tsa canqque na'su. Siquemjan Dinama attepa cunshangopa indipa tisei'ccu ccuipa egae tson.

Génesis 34:2 ပူးပေါင်းရင်းမြစ်များ

Génesis 10:17

heveondeccu, araceondeccu, sineondeccu

Génesis 20:2

Tseni can'jemba Abrahamjan tise pushe Sarama tise que'tte qquen poiyi'cconga conda. Tsa'caen condasi tsa canqque'su na'su Abimelecja manda cuintsu Sarama isi tise pusheve daye.

Génesis 33:19

Nane cien corifin'di'ccu Hamor dutssiyendeccuma andeve chava tseni tise carpama ccutsiañe. Siquem'qque tsu Hamor dutssi'ye.

Génesis 34:27

Tsonsi Jacob faesu dutssiyendeccu'qque tseni nepipa pa'chondeccu ai'voma panshamba pa'cco tsa canqqueni jincho'choma cca'namba somboen'fa. Tise'pa antianma egae tson'chone tsu ccane'qque tsa'caen tson'fa.

Génesis 34:3

Tsa'ma tsa'caen tsomba Siquem ñoa'me Dinama ñotsse in'jamba osha'choma tson cuintsu ccane'qque tise've in'jañe.

Génesis 34:30

Tsa'caen tson'fasi Jacobja Simeón, Levíma su: —Que'ija tsa'caen tsomba qui tayo ñama daño'fa. Ja'ño tsu va andeni canjensundeccu, tsa cananeondeccu, ferezeondeccu'qque ñama chi'ga'faya. Tsa'caen chi'gapa tisupanaccu bopa ñai'ccu iyiccoye ashaen'faya. Ñajan tsain'bitssi a'ive an'biambisi tsu ñama fi'ttipa poiyi'cco ñai'ccu canjensundeccuma fi'tti'faya.

Génesis 6:2

Tsonsi Chigave in'jan'cho tsandiendeccuja in'jambindeqquiambe onquengendeccu me'detssisi in'jamba tise'pama pushe'fa majame in'jan'da.

2 Samuel 11:2

Fae cose Davidja ana'jen'cho'ye jangipa tise tsao'cco omba'su ppappacconi tsui jacamba atte faesu tsaoni pushesu onjon'jen'choma. Nane tsa pushesuja me'detssisi attepa

2 Samuel 11:4

Tsonsi Davidja ttu'sesundeccuma manda moe cuintsu pushesuma i'nga'faye. I'fasi jisi Davidja tisei'ccu ccuipa fae'ngae ana'fa. (Egapa pasapa oti'shi'choma tsu Davidja tisema atte.) Tsomba pushesuja toequi tise tsaoni ja.

Mateo 5:28

Tsa'ma ñanda gi que'ima su: Majan a'i pushesuma camba in'jangae in'jan'da tayo tsu tisu injama'choni tisei'ccu fae'ngae can'jen'ma'caen in'jamba egae tsincon.

Deuteronomio 22:24

tsu poiyi'ccoma indipa canqque'su nasundeccunga angapa ccutsiaña'cho. Tsonsi tsu nasundeccu tise'pama patui'ccu fi'ttiya'chove manda'faya. Nane pushesu canqqueni can'jemba faesunga indiyepa faesu a'i tisema ccushaeñe fundombi'choa'ne tsu fi'ttiya'cho. Toya'caen tsandie tise faenga'su pusheya'choma daño'chone tsu fi'ttiya'cho. Nane tsa'caen tsu tsoña'cho cuintsu tsesu egae tsincon'cho que'i aindeccu'ye pasaye.

Josué 9:7

Tsa'ma israendeccuja tsa heveondeccunga su'fa: —Isha que'ija ingi'ccu pporotsse canjensundeccumajan ¿ma'caen gi que'i'ccu fae'ngae injancco'faya?

Jueces 14:1

Sansónjan coemba Timnat canqqueni japa chu'a filisteo'su pushesuma atte.