Génesis 32:5 - Cofán: Chiga Tevaen'jen

⁵ atapoemba an'bian tsain'bio vaura, boro, oveja, sema'su tsandiendeccu, toya'caen sema'su pushesundeccuma'qque. Ña na'sunga gi tsa'caen su'faya'chove mandapa moe. Ronda'jeya gi que jisi mingae tsombe'yi avujatsse cachuiccoye.”

Génesis 32:5 ပူးပေါင်းရင်းမြစ်များ

Génesis 30:43

Tsa'caen tsomba tsu Jacobja ñoa'me ricove dapa tsain'bio oveja, tsain'bio sema'su tsandiendeccu, pushesundeccuma'qque, tsain'bio cameyo, toya'caen tsain'bio boroma'qque an'bian.

Génesis 31:16

Tsa'cansi pa'cco ingi yaya an'bian'choma itsapa Chiga quenga afe'cho tsu ingimbe toya'caen ingi dushundeccumbe. Nane Chiga quenga tsa'caen su'choma pa'ccoma tsonjan.

Génesis 31:3

Tsa'cansi Na'su Chigaja Jacobnga su: “Que yayandeccu andeni ccase jaja, que antiandeccu can'jeni. Ña gi fuitepa angaya.”

Génesis 33:11

Tsa'cansi gi iñajan quenga afeye i'choma isuja. Nane Chiga tsu ñama ricove tsonsi gi osha'choma shacambitsse an'bian. Tsain'bitsse tsa'caen iñajansi Esaúja tsa afe'choma in'jamba isu.

Génesis 33:15

Tsonsi Esaúja su: —Ñotssi tsu. Tsa'ma antteja ñai'ccu ji'cho aindeccu'suma quenga catiye cuintsu quema fuite'faye. Tsa'ma Jacobja su: —Me'in, quema noñangiañe in'jambi gi.

Génesis 33:8

Tse'faei'ccuyi Esaúja iñajampaña: —¿Ma'caen tsoñe qui in'jan tsa tsain'bitssi naccuve ña jiñamba atte'choma? Tsa'caen iñajampañasi Jacobja su: —Tsata tsu que ñama ñotsse tsoñe afe'je'cho.

Génesis 47:25

Tsama pañamba tsendeccuja su'fa: —¡Queja ño'amba ingima ccushaensi gi avujatssi'fa faraónmbe tsangae semasundeccuve daye!

Lucas 12:45

Tsa'ma majan sema'su: “Ña na'suja uta jiya'bi” qquen in'jamba tsa sema'su faesu semasundeccuma tssaiye ashaemba majan tsandie, majan pushesuma'qque tsse'tsse tsincomba toya'caen an'jemba tse'tse'pama cu'ipa ccusi'ninda

Rut 2:2

Fae a'ta Rutja Noemíma su: —Ñama antteja cca'i nasipani japa majandeccu ñama antte'nijan tise'pa tai'jesi sheque'je'choma tai jacamba jiye. Tsonsi Noemíjan su: —Jujú, ja'se china.

1 Samuel 1:18

Tsa'caen susi Anajan “Chigatsuafepaenján” qquen supa ja. Sombopa tise'pa can'jeni japa an. Ccatsse ñombi'ye can'jembi.