Génesis 32:31 - Cofán: Chiga Tevaen'jen

³¹ Chiga sombo ji'ni Jacobja Penuelma panshamba tise tsimbochoccu iñesi ccaré jaye.

Génesis 32:31 ပူးပေါင်းရင်းမြစ်များ

Génesis 16:13

Tsonsi Agarja Na'su Chigama afapa su: “Chiga tsu atte'su.” Nane tayo Chigai'ccu condasepa tsu tiseja su: “Chiga ñama atte'ni'qque gi toya canse.”

Génesis 19:15

Tayo a'taye tson'jensi sefacconi'su shondosundeccuja Lotma quian'me su'fa: —Uta'tsseyi jangipa que pushe, que onquengendeccuma'qque angapa ja'faja va canqque'su aindeccui'ccu fae'ngae pasa'ne.

Génesis 19:23

Coejechiga tayo sombosi tsu Lotja Zoarni nepi.

Génesis 32:25

Tsa'ma tsa a'i Jacobma patsuye oshambi qquen in'jamba Jacob tsimbochoccuma tssai. Tsa'caen tssaisi tsimbochoccu'su tsu'ttaja batti.

Génesis 32:32

Tsa'cansi tsu ja'ño'su israendeccu'qque aña'cho'su tsimbochoccu'su tsain'fama añe osha'fambi, Chiga Jacobma tsesu'tte tssai'chosi.

1 Reyes 12:25

Tsonsi Jeroboam Efraín aindeccu'su ccotta'cconga japa Siquem canqqueni can'jen. Canqquema ccase ñoñamba tise sundarondeccuma'qque tseni ccutsian. Omboe tsu tsa'caeñi tson Penuel canqquema'qque.

1 Reyes 18:26

Tsa'caen susi tise'panga afe'cho vaurama isupa ñoña'fa. Ñoña ccuiñamba sinte ashaen'cho enttinge a'ta'o'tsse Baalma iñajan'fa qquen supa: “¡Baal, pañamba afaja!” Toya'caen butto ccutsu butto ccutsu ñoña'cho oque'je'choma shoquendi'je'fa. Tsa'ma minga'vieyi'qque afambi.

Éxodo 24:10

Tseni tsu atte'fa israendeccumbe Chigama. Nane tise tsu'tte tsosiccuni tsu veyaratssia totoa patiacaen chanjun. Toya'caen sefaccoa'caen a'tatssi tsu.

Éxodo 24:11

Tsa'caen israe'su joccapitssia nasundeccu Chigama atte'ma mingae'qque da'fambi. Nane toya tsu cansepa amba cui'je'fa.

Isaías 6:5

Attepa gi asi'ttaen: “¡Va'cha gi! ¡Paye tson'jen! Nane tisu tso'fei'ccu gi Na'su, Osha'choma Oshacho'cho Chigama atte. Ña injama'cho egasi ña aya'fa'qque ega. Toya'caen ña can'jen'tti'su aindeccu injama'cho egasi tise'pa aya'fa'qque ega'fa.”

2 Corinto'su 12:7

Tsa'caen osha'cho ñotssia attian'choma attesi ñoa'me iñetssia ai'vo jincho'choma ñanga afesi gi vana'jen panshaen tisuma ñotsse afasa'ne. Tsaja Satana moensi ji'choaca'on tsu cuintsu ñama noñangiañe.

2 Corinto'su 12:9

Tsa'ma Na'suja ñama su: “Naniña tsu Ña quei'ccu can'jensi. A'i vana'jensi gi ñoa'me tisema fuiteye osha.” Na'su qquen susi gi vana'je'an'qque avujatsse afa'je. Nane vana'jemba gi avujatsse afa'je cuintsu Cristo ñai'ccu can'jemba ti'tsse ñama fuiteye.

Jueces 6:22

Tsonsi Gedeónjan ñoa'me Na'su Chigambe shondo'su tsu qquen in'jamba su: —¡Ay! ¡Ti'tsse Joccapitssia Na'su! ¡Cambajunaccu gi Quema sefacconi'su shondo'suma atte!

Jueces 6:23

Tsa'ma Na'suja tisema su: —¡Opatsse dyombe canjan! ¡Nane paya'bi qui!