Génesis 32:21 - Cofán: Chiga Tevaen'jen

²¹ Tsa'caen asi'ttaemba afe'choma angasundeccuma o'tie moe. Tsomba tiseja tse'ttingayi ana.

Génesis 32:21 ပူးပေါင်းရင်းမြစ်များ

Génesis 32:20

toya'caen: ‘Quema shondo'su Jacob ingi sepaccofae jiña’ —qquen su'faja. Nane Jacobja qquen asi'ttaemba tsa'caen tson: “Afe'choma otie moemba tise ñoquisi gi cambajunaccu tisei'ccu cachuiccoya. Isha tsu ña tsa'caen tsonsi ñama ñotsse tsona.”

Génesis 32:22

Tsequi cose'yi Jacobja jangipa tise dos pushe, tise dos sema'su pushesundeccu, tise once dushundeccui'ccu japa Jacob na'en'su sinjunccuma ise.

Génesis 33:11

Tsa'cansi gi iñajan quenga afeye i'choma isuja. Nane Chiga tsu ñama ricove tsonsi gi osha'choma shacambitsse an'bian. Tsain'bitsse tsa'caen iñajansi Esaúja tsa afe'choma in'jamba isu.

Génesis 43:11

Tsa'caen susi tise yayaja su: —Ccaningae tsoñe oshambi'ta qquen tson'faja: Tsa a'inga afeya'chove que'i saquiyonga anga'faja. Nane va ande'su bove ñotsse jincho'cho'suma anga'faja, re'ricco balsa'mo seje'pa, re'ricco tuño cuñajun'cho, ñome'ba, mirra seje'pa, ccasepa'cho toya'caen almendra.

Josué 8:9

Tsa'caen Josué mandapa moesi japa Betel canqque toya'caen Hai canqquembe enttingeni a'tupa ronda'je'fa. Nane tsefata tsu Hai canqquema chiga amppifani. Tsa'ma Josuéja tsequi cose toe tisupa can'jeni ana.