Génesis 31:3 - Cofán: Chiga Tevaen'jen

³ Tsa'cansi Na'su Chigaja Jacobnga su: “Que yayandeccu andeni ccase jaja, que antiandeccu can'jeni. Ña gi fuitepa angaya.”

Génesis 31:3 ပူးပေါင်းရင်းမြစ်များ

Génesis 13:15

Quenga gi afeya pa'cco que camba atte'cho andema. Tsangae qui queja, que omba'su dutssiyendeccu'qque va andema an'bian'faya.

Génesis 21:22

Tsa'caen tsonsi Abimelec, tise sundaro na'su, Ficoli'ccu Abrahamni can'su jipa tisema chigambiamba su: —Chiga quema fuite'je'choma gi poiyi'cco in'jan'fa.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Génesis 28:4

Chigaja Abrahamnga ñotsse tsoñe su'chopa tsu quenga ñotsse tsomba que omba'su dushundeccunga'qque ñotsse tsoña. Nane ja'ñoñi gi ccane ji'choa'caen va andeni canse'fa. Tsa'ma Chiga Abrahamnga suqquia'caen tsonsi qui va ande'su nasundeccuve dapa canse'faya.”

Génesis 30:25

Raquel tsa'caen Joséve isusi Jacobja Labánma su: —Antteja ña tisu andeni jaye.

Génesis 31:13

Ña gi quenga Betelni attian'cho Chiga. Nane tseni qui que asusupa ana'cho patuma ccutsiamba ñoa'me su'chove ñanga afa. Jangija, jinge jaye, quema isu'cho andeni.’–qquen tsu Chigama shondo'suja Chiga su'choma conda.”

Génesis 31:2

Toya'caen tsu Jacobja atesu Labán tayoe tisema in'janqquia'caen in'jambipa chi'ga'chove.

Génesis 31:4

Tsama pañamba Jacobja manda cuintsu Raquel, Leama'qque ttu'sesi ji'faye tise ovejandeccui'ccu can'jen'cho potreroni.

Génesis 32:10

Ñajan ñotssimbi'ma qui anttembe'yi ñama tsa'caen in'jamba ñotsse tson. Ñajan vane jayipa Jordán na'ema fae accuicco'choi'ccuyi gi ise'a. Tsa'ma ja'ñojan tsain'bio a'i dos naccuve gi an'bian.

Génesis 32:5

atapoemba an'bian tsain'bio vaura, boro, oveja, sema'su tsandiendeccu, toya'caen sema'su pushesundeccuma'qque. Ña na'sunga gi tsa'caen su'faya'chove mandapa moe. Ronda'jeya gi que jisi mingae tsombe'yi avujatsse cachuiccoye.”

Génesis 32:9

Tsa'caen tsomba Chigama iñajañe ashaemba qquen su: “Na'su Chiga, ña yaya ccashe'ye Abraham, ña yaya Isaacmbe Chiga qui. Que qui ñama su ña toequi tisu andeni, tisu antiandeccuni ja'ni'qque queja ñama ñotsse tson'jeña.

Génesis 35:1

Chiga Jacobma su: “Jangipa Betelni japa tseni canseja. Tseni japa Chiganga afe'je'chove ñoñajan. Nane que antian Esaúma dyopa ccuyapa jayisi quenga attian'cho Chiganga afe'je'chove ñoñajan.”

Génesis 35:3

Junde tsu Betelni jaya'cho. Tseni japa gi Chiganga afe'je'chove ñoñamba ña vana'jensi fuite'su Chigama iñajaña. Nane tise tsu ña mani jacan'ni'qque ñama fuitepa angacan.

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Hebreo'su 13:5

Panshaen corifin'dive in'jambe'yi canse'faja. Chiga Quitsaja su: “Ñajan que'ima catiya'bi gi. Tsangae gi que'ima an'biaña.” Tsa'caen Chiga su'choma in'jamba que'i tayo an'bian'choi'ccuyi ñotsse avujatsse canse'faja.