Génesis 31:24 - Cofán: Chiga Tevaen'jen

²⁴ Tsa'ma tsequi cose Chigaja ayo'oni, Labán, tsa arameo'su a'inga attiamba su: “¡Injama'tse! Jacobma iyicca'yeye'tsse afajama.”

Génesis 31:24 ပူးပေါင်းရင်းမြစ်များ

Génesis 20:3

Tsa'ma tsa'caen tsomba cosesi Abimelecja anamba ayo'o. Ayo'osi Chiga tisenga attiamba su: “Queja paye qui tson'jen. Nane que i'cho pushesuja faesumbe pushe tsu.”

Génesis 20:6

Tsonsi Chiga ayo'oni tisema su: “In'jan gi queja atesumbipa tsa'caen tson. Tsa'cansi gi que injama'choma in'jaemba se'pi que tisei'ccu ccuipa ñama egae tsinconsa'ne.

Génesis 24:50

Tsa'caen susi Labán toya'caen Betuel'qque su'fa: —Pa'cco va tson'choja Na'su Chiga tson'cho tsu. Tsa'cansi ingimbembi tsu ‘ju’ ni ‘me'in’ qquen afaye.

Génesis 28:5

Tsa'caen tsu Isaacja Jacobma manda maña Padan-aram andeni. Tsa'caen japa Jacobja nepi tise ton'ton Labán tsaoni. Nane Labán tsu arameo'su a'i Betuel dutssi'ye. Toya'caen tsu Jacob, Esaú mama Rebeca quindya.

Génesis 31:10

“Toya'caen fae a'ta ovejandeccu foña'jen'ni anamba gi qquen ayo'o: atte gi oveja quitsaye ze'nzia, chhifa, pi'piayi pushei'ccu tandange'je'choma.

Génesis 31:11

Tsa'caen ayo'o'je'ni tsu Chigama sefacconi'su shondo'su ña inisei'ccu ñama ttu'se. Ttu'sesi gi su: ‘Va'tti gi can'jen.’

Génesis 31:23

Tsomba tise antiandeccui'ccu sombopa mandiañe ashaemba siete a'ta pa'cco japa Galaad ccotta'cconga nepi.

Génesis 31:25

Jacob Galaad Ccotta'cconi toya can'jen'choma Labán nepipa cachui. Cachuipa Labán'qque tise antiandeccui'ccu tse'ttini can'jen'fa. Tsa'caen can'jemba

Génesis 31:29

Nane ñoa'me gi ñajan que'ima egae tsoñe osha. Tsa'ma ja'ño cose tsu que yayambe Chiga ñama afapa qquen su: ‘¡Injama'tse! Jacobma iyicca'yeye'tsse afajama.’

Génesis 31:42

Nane Abraham Chiga, tsa ña yaya Isaac iñajan'jen'cho Chiga ñai'ccu can'jembiecan'da qui ñama itsapa me'ccoe moeñe'can. Tsa'ma Chiga tsu ña ñombi'ye'cho, ña ñotsse sema'choma'qque attepa ja'ño cose quema tsa'caen iyu'u.

Génesis 31:7

Tsa'caen semasi tiseja ñama afopoemba tsu anttembe'yi ña afepoen'choma cambi'bian. Tsa'ma Chiga Quitsaja se'pi cuintsu tise ñama egae tsoñe.

Génesis 40:5

Fae cose tsa dos indiye'cho, na'sunga tasama afe'su toya'caen panma matssan'su'qque, ayo'o'fa. Poimbe ayo'ocho tsu jongoesu qquen condaya'chove an'bian.

Génesis 41:1

Dos canqque'fa pasasi faraónjan anamba qquen ayo'o: Nilo na'en otafani tiseja ccutsu.

1 Reyes 3:5

Fae cose Salomón Gabaóni can'jemba ayo'osi Na'su Chiga tisenga attiamba su: “Jongoesuve in'jan'da ñama iñajanjan. Ña gi afeya.”

Números 12:6

qquen su: “Va ña que'inga su'choma paña'faja: Minga'ni Chiga Aya'fama afa'su que'i'ccu can'jeni ñajan attian'choi'ccu toya'caen ayo'oni tisema afa'je.

Números 22:20

Tsequi cose Chigaja Balaamnga attiamba su: —Ñoa'me va aindeccu queve ji'fa'ninda jangipa tise'pai'ccu jaja. Tsa'ma jo'su ña su'choveyi tsu afaya'cho.

Números 22:26

Tse'ttie joqquitssipa Na'su Chigama sefacconi'su shondo'suja tisema o'tie japa ñoa'me ta'yoquiccoanga ccutsu. Nane tse'tti tsu mafae panshaña'chove me'i'on.

Números 24:13

‘Mapán cori, totoacori que tsaoni jincho'choma afe'ni'qque ñajan Na'su Chiga su'choma pasapa ni ñotsse ni egae tsoñe oshambi gi. Toya'caen tisu in'jan'choma afaye oshambipa Na'su su'choveyi gi afaye osha.’

Mateo 1:20

Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.

Mateo 2:12

Tsa'ma na'su Herodes mandaqquia'caen toequi ja'fambi. Nane ayoni in'jamba Herodesni jambe'yi ccafae tise'pa andeni ja'fa.

Mateo 27:19

Tsa'ma Pilato tsa'caen tise dyaipa'chonga dyaipa aindeccuma afa'je'ni tise pusheja qquen su'choma tisenga moen: “Va Jesús egae tsincombi'choa tsu. Tisene gi ja'ño cose dyo'oe ayo'o. Tisema egae tsonjama.”