Génesis 31:14 - Cofán: Chiga Tevaen'jen

¹⁴ Tsa'caen susi pañamba Raquel, toya'caen Lea'qque su'fa: —Ingija jongoesu isuya'chove an'bian'fambi gi ingi yaya tsaoni.

Génesis 31:14 ပူးပေါင်းရင်းမြစ်များ

Génesis 2:24

Tsa'cansi tsu ja'ño tsandieja tise yaya, tise mamama catipa tise pushei'ccu can'jen'faya. Nane tsa dos tsu fae a'ia'caeñi da'faya.

Génesis 29:24

(Toya'caen Labánjan tise'be sema'su pushesu Zilpama afe, Leama coira'suve.)

Génesis 29:29

(Toya'caen Labánjan tise'be sema'su pushesu Bilhama afe, Raquelma coira'suve.)

Génesis 31:13

Ña gi quenga Betelni attian'cho Chiga. Nane tseni qui que asusupa ana'cho patuma ccutsiamba ñoa'me su'chove ñanga afa. Jangija, jinge jaye, quema isu'cho andeni.’–qquen tsu Chigama shondo'suja Chiga su'choma conda.”

Génesis 31:15

Nane tiseja faesu ande'suma'caen ingima tsincon. Toya'caen ingima chavaemba que ingima pusheye afepoen'choma tise'yi isupa sefaen.

Rut 4:11

Tsa'caen susi coenzandeccu toya'caen tseni bo'fa'chondeccuja su'fa: —Ju, tsa'can'fa gi. In'jan'fa gi cuintsu Na'su Chiga va pushesu que tsaoni jiya'choma ñoa'me Raquel toya'caen Leama'caen tsoñe. Nane tsendeccu'ye tsu poiyi'cco israendeccuja isuyepa sombo'fa. Toya'caen gi in'jan'fa cuintsu queja Efrata'su joccapitssia a'ive dapa Belén'su ti'tsse'tssia've daye.