Génesis 30:20 - Cofán: Chiga Tevaen'jen

²⁰ Tsa'caen isupa su: “Chiga tsu ñanga ñocca'tssiama afe. Ja'ño gi seis tsandie du'shuve ña tsa'ndumbe isu. Tsa'cansi tsu ña tsa'nduja ja'ño ñama ti'tsse in'jaña. Tsa'cansi gi va du'shuma inisiaña Zabulón.”

Génesis 30:20 ပူးပေါင်းရင်းမြစ်များ

Génesis 29:34

Toya'caen ccase tsandie du'shuve isupa su: “Ja'ño tsu ña tsa'nduja ñama in'jaña tres du'shuve an'biansi.” Tsa'caen supa tsu tsa du'shuma inisian Leví.

Génesis 30:15

Tsa'ma Leaja se'pipa su: —Tayo qui ña tsa'nduma itsa. ¿Tsomba ja'ñojan ña du'shu i'cho mandrágorasma'qque ti qui itsaye in'jan? Tsa'caen susi Raquelja asi'ttaemba su: —Que dutssi'ye i'cho mandrágorasma afe'ta qui ja'ño cose Jacobi'ccu anañe oshaya.

Génesis 30:19

Omboe Leaja ccase Jacobmbe du'shuve isu. Tsai'ccu tsu Leaja seis du'shuve an'bian.

Génesis 30:21

Osefa'poe Leaja fae pushesu du'shuve isupa Diname inisian.

Génesis 34:12

Nane que'i ma'caen atesucho'choma ti'tsse iñajamba faesu afe'chove iñajan'ni'qque gi tsa'caen afeya. Tsa'ma antte'faja cuintsu que'i antian ñama tsa'nduye.

Génesis 35:23

Leanga du'sian'cho tsu aisheja Rubén, tse'ttija Simeón, Leví, Judá, Isacar toya'caen Zabulón.

Génesis 46:14

Zabulón dutssiyendeccu tsu Sered, Elón toya'caen Jahleel.

Génesis 49:13

Zabulónda tsu mar otafani canseya. Tse'tti tsu barco ccattufa'je'ttiya. Nane tise ande utufaja Sidón andepi nepiya.

Mateo 4:13

Nasaretni can'jembipa Capernaumni japa can'jen. Galilea mar'su canqque tsu. Tayopi'su israe'su Zabulóndeccu, Neftalíndeccumbe ande tsu.