Génesis 29:27 - Cofán: Chiga Tevaen'jen

²⁷ Tsa'cansi va avuja'qui pushe'je'choma nanijan Leane. Tsomba faesu siete canqque'fave ñambe semañe in'jan'ninda gi Raquelma'qque quenga afeya.

Génesis 29:27 ပူးပေါင်းရင်းမြစ်များ

Génesis 29:20

Tsa'caen susi Jacobja siete canqque'fa pa'cco Raquelne sema. Tsa'ma Raquelma ñotsse in'jamba tsa siete canqque'fama aqquia siete a'ta'canccoeyi in'jan.

Génesis 29:26

Tsa'caen susi Labánjan su: —Vanisundeccuja coenzama otie chu'a tsa'nduye atesu'fambi.

Génesis 29:28

Jacob pañamba in'jansi tsa Leane fiestaen'cho avuja'qui pasasi Raquelma'qque pusheye afe.

Génesis 31:41

Nane veinte canqque'fa pa'cco que tsaoni can'jensi qui tsa'caen ñanga tson. Catorce canqque'fa pa'cco gi que onquengendeccune sema. Toya'caen seis canqque'fa pa'cco que aiña'chondeccuma coiraye semasi qui anttembe'yi ña afepoen'choma cambi'bian.

Malaquías 2:15

Tsa'ma Na'su Chigaja que'i ai'vo, que'i qquendya'pama'qque an'biamba que'ima fae a'ive tson. Tsa'caen tsu tson cuintsu que'i dushundeccu'qque tise've in'jamba canse'faye. Tsa'cansi que'i injama'choma ñotsse coirapa que'i aishe pushendeccuma ñotsse in'jamba canse'faja.

1 Timoteoga 6:10

Nane panshaen corifin'dive in'jan'chone osha'cho egae in'jan'cho tsu somboya. Majan a'i corifin'dive ñoa'me in'jamba tise'pa Cristove in'jan'choma cati'fa. Cristoma catipa tisu injama'cho tsosipie iñaccaqquia'caen ñoa'me vana'jen'fa.

Jueces 14:10

Sansón yaya pushesui'ccu osha'chove ñoñasi tsu Sansónjan fiestaen'jen tisupa ma'caen atesuqqueningae.

Jueces 14:12

Fiestaen'jeni tsa treintanga Sansónjan su: —Va ña su'choma in'jamba condacan'faja. Siete a'tangae toya fiesta ji'niñi que'i in'jamba conda'fa'ninda gi que'inga afeya treinta tso'singa ondiccuqque'su totoa lino sarupa ondiccu'je toya'caen treinta ñotssia fiesta ondiccu'jema'qque.