Génesis 29:1 - Cofán: Chiga Tevaen'jen

¹ Jacobja tise jayi'cho tsaiqui'ye japa chiga sombo'jeni'su andeni nepi.

Génesis 29:1 ပူးပေါင်းရင်းမြစ်များ

Génesis 24:10

Tsomba tse'i shondo'suja tise na'su an'bian'cho'su osha'cho ñotssia afeya'choma isupa chonga tise na'sumbe cameyoi'ccu sombopa ja Nacor can'jen'cho canqquenga. Tsa canqque tsu Mesopotamia ande'su canqque.

Génesis 25:20

Isaac cuarenta canqque'fave an'biamba Rebecama pushe, Betuel onque'nge tsa Labán que'ttema. Tsendeccuja arameondeccu, Padan-aramni cansesundeccu.

Génesis 25:6

Tsa'ma Abraham faesuma pushepa du'sian'chondeccuja aqquia afe'choma tsu isu'fa. Nane Abraham toya cansuite tise faesu dushundeccuma Isaac'ye joqquitssiamba chiga sombo'jefanga moe cuintsu tseni canse'faye.

Génesis 35:1

Chiga Jacobma su: “Jangipa Betelni japa tseni canseja. Tseni japa Chiganga afe'je'chove ñoñajan. Nane que antian Esaúma dyopa ccuyapa jayisi quenga attian'cho Chiganga afe'je'chove ñoñajan.”

Génesis 35:7

Tseni nepipa Chiganga afe'je'chove ñoñamba tse'ttima inisian El-betel. Nane tise antianma dyopa jayisi Chiga tse'ttinga attian'chosi tsu tsa'caen inisian.

Números 23:7

Tsa'caen attepa Balaamjan va su'choma conda: “Chiga sombo'jeni'su ccotta'cco Aramne gi ji moabita'su na'su Balac ttu'sesi. ‘Jipa israendeccuma qqueñañe afaja. Jacob aindeccuma egae in'janjan’ qquen tsu su.

Jueces 6:3

Israendeccu tisupa anqque'suve jon'fani'qque junde tsu madiandeccu amalecitandeccui'ccu toya'caen faesu chiga sombo'jefa'su aindeccu'qque jipa

Jueces 6:33

Omboe tsu poi madiandeccu, amalecitandeccu toya'caen poiyi'cco cca'i chiga sombo'jefa'su aindeccu fae'ngae bopa Jordán na'ema isepa Jezreel sinjunccuni tise'pa carpama ccutsutsian'fa.

Jueces 7:12

Nane madiandeccu, amalecitandeccu toya'caen faesu chiga sombo'jefa'su aindeccuja jongoesu a'ju shequeqquia'caen tsu tsa sinjunccuni on'batsse can'jen'fa. Tise'pa cameyo'qque tsain'bitssipa mar otafa'su sisipama agattoye oshambi'tssiqquia'ca'on.