Génesis 27:43 - Cofán: Chiga Tevaen'jen

⁴³ Tsa'cansi, jaricho, ñama pañajan: Jundeyi ccuyapa jaja Harán canqqueni, ña quindya Labán can'jeni.

Génesis 27:43 ပူးပေါင်းရင်းမြစ်များ

Génesis 11:31

Taréja Canaán andeni jaye in'jamba Caldea ande'su Urne sombopa ja. Tisei'ccu tsu tise dutssi'ye Abram'qque ja. Toya'caen tsu tise du'shu Lot, tise china Sarai'qque jaja'fa. Canaán andeni jaye in'jan'ma Harán canqqueni nepipa tse'tti can'jen'fa.

Génesis 24:29

Tsa pushesuja fae quindyave an'bian, Labán, qquen inisecho'choma. Tsa tsu posoni buttopa ji shondo'suma atteye.

Génesis 25:20

Isaac cuarenta canqque'fave an'biamba Rebecama pushe, Betuel onque'nge tsa Labán que'ttema. Tsendeccuja arameondeccu, Padan-aramni cansesundeccu.

Génesis 27:13

Tsa'ma tise mamajan su: —Jaricho, tsa egae afa'choja ñanga tsu antteyeya. Queja asi'ttaembe'yi ña suqquia'caen chivo du'shuma i'ngapa ija.

Génesis 27:42

Esaú tsa'caen in'jan'choma pañamba Rebecaja Jacobma ttu'seye manda. Ttu'sesi jisi tisema su: —Que canjan. Que quindya Esaú tsu que tson'chone quema fi'ttiye in'jan.

Génesis 27:8

Tsa'cansi, jaricho, ña quenga su'choma ñotsse pañajan.

Génesis 28:10

Jacobja Beersebane sombopa Haráni ja'je'cho tsaiqui'ye ja.

Génesis 28:5

Tsa'caen tsu Isaacja Jacobma manda maña Padan-aram andeni. Tsa'caen japa Jacobja nepi tise ton'ton Labán tsaoni. Nane Labán tsu arameo'su a'i Betuel dutssi'ye. Toya'caen tsu Jacob, Esaú mama Rebeca quindya.

Génesis 28:7

Tise yaya tise mama manda'fasi Jacob ñotsse pañamba tsa'caen Padan-aram andeni ja.

Génesis 35:1

Chiga Jacobma su: “Jangipa Betelni japa tseni canseja. Tseni japa Chiganga afe'je'chove ñoñajan. Nane que antian Esaúma dyopa ccuyapa jayisi quenga attian'cho Chiganga afe'je'chove ñoñajan.”

Tson'fa'cho 5:29

Qquen susi Pedro, faesu Jesúsne afasundeccu'qque qquen conda'fa: —Ingija Chiga Quitsama pañaña'cho. A'i ccaningae manda'ninda pañañe osha'fambi gi.