Génesis 25:8 - Cofán: Chiga Tevaen'jen

⁸ Nane opatsse cansé coenza ccashe'yeve dapa pa. Papa tise tayopi'su coenzandeccu can'jen'ni (Chiga sefacconi) ja.

Génesis 25:8 ပူးပေါင်းရင်းမြစ်များ

Génesis 15:15

(Tsa'ma queja coenza ccashe'yeve dapa qui opatsse papa que tayopi'su coenzandeccuni jaya.)

Génesis 25:17

Ismaelja ciento treinta y siete canqque'fave an'biamba papa Chiga sefacconi tise tayopi'su coenzandeccu can'jen'ni ja.

Génesis 25:7

Abrahamjan ciento setenta y cinco canqque'fa an'biamba pa.

Génesis 35:18

Tsama pañamba Raquelja ñoa'me paye tson'jemba du'shuma inisian Benoni “Ña vana'cho du'shu” qquen suye. Tsa'ma tise yaya Jacobja tisema inisian Benjamín “Ña tansinfa'su du'shu” qquen suye.

Génesis 37:35

Inambani cansesi tise dutssiyendeccu onquengendeccu'qque tisema ziyaemba vuiquiañe in'jan'fa. Tsa'ma tiseja tsa'caen vuiquian'faya'chove in'jambipa tise dutssi'yene ina'jemba qquen su: “Papa pa'chondeccu can'jeni japa tisei'ccu cachuiccoya'ngae gi qquen ñombi'yepa inambani canseya.”

Génesis 49:29

Fae a'ta Jacobja tise dutssiyendeccunga qquen manda: —Ca'tsa tsu ña paya'cho nepiji. Ña pa'ninda ña tayopi'su coenzandeccuyi'ccu pporotsse ñama'qque a'tu'faja. Nane hitita'su a'i Efrón ande'su fattocco changonga ñama a'tu'faja.

Génesis 49:33

Jacobja tsa'caen tise dutssiyendeccunga condase nanimba ccase ana'jen'chonga ccuipa pa.

Génesis 50:13

Nane Canaánni angapa Macpela ande'su fattocco changonga a'tu'fa. Abraham tayoe tise aindeccuma atu'jeya'chove tsa fattocco changoma hitita'su a'i Efrómbema chava'chonga tsu Jacobma'qque a'tu'fa. Tsa ande toya'caen changota tsu Mamre canqquema chiga sombo'jefani.

Números 20:24

“Aarónda tsu ña israendeccunga afe'cho andeni ca'nimbe'yi paya. Nane Meriba tsa'ccu sombo'je'ttinga qui ña mandaqquia'caen tsombipa tisu in'janqquia'caen tson'fa.

Tson'fa'cho 12:23

Qquen fundo'je'fasi Herodesja “Ñajan chigambi” qquen condambisi Chigama sefacconi'su shondo'suja tse'faei'ccuyi tisema pporaen. Tsa'caen pporaensi pave dapa misiangepa pa.

Tson'fa'cho 13:36

Tsa'ma ñoa'me tsu Davidja Chiga mandaqquia'caen tise canseite'su a'ima ñotsse coirapa tise coenzandeqquia'caen pa. Pasi tise ai'voja congo.

Tson'fa'cho 5:10

Tse'faei'ccuyi tise'qque papa amppi Pedro tsutteccofanga. Tsa'caen pasi chu'a tsandiendeccuja ca'nimba pajin ccui'choma atte'fa. Attepa ugapa angapa a'tu'fa tsa'ndui'ccu pporotsse.

Tson'fa'cho 5:5

Tsama pañamba Ananíasja papa amppi. Tsama pañamba poiyi'cco paña'chondeccuja dyo'fa.

Jueces 2:10

Poiyi'cco Josuéi'ccu fae'ngae israe'su coenzandeccu'qque pa'fa. Tise'pa pa'fasi omboe can'jensundeccuja Na'su Chigama atesumbipa tise israendeccunga ñotsse tson'jen'choma'qque atesu'fambi.