Génesis 25:23 - Cofán: Chiga Tevaen'jen

²³ tiseja su: “Que tto'panijan dos aindeccu tsu can'jen'fa. Nane dos canqquepa tsu toya isumbi'te iyicco'je'fa. Fae'cco tsu faesuma ti'tsse'tssiya. Nane coenza tsu chu'ama shondoya.”

Génesis 25:23 ပူးပေါင်းရင်းမြစ်များ

Génesis 17:16

Ñajan tisema ñotsse tsoñe in'jamba gi du'shuve tisenga afeya. Ju, ñoa'me gi tisema ñotsse tsoña. Tise tsu tsain'bitssi aindeccumbe mamaña. Nane tise omba'su dushundeccu tsu tsain'bio ande'su nasundeccuve dapa manda'faya.

Génesis 17:4

—Ña quei'ccu injanccoya'choja qquen tsu: Que qui tsain'bitssi aindeccumbe quitsaya.

Génesis 24:60

Tsa'caen moe'jemba qquen Rebecama ñotsse afa'fa: “Que ingi antianjan ¡tsain'bitssi aindeccumbe chanme qui daya! ¡Que omba'su dushundeccu tsu poiyi'cco que enemigondeccu canqquema patsu'faya!”

Génesis 25:24

Tise du'shuma isuya'cho nepisi Rebecaja dos du'shuve isu.

Génesis 25:27

Dushundeccuja coen'fa. Esaúja ñoa'me tsampini japa panzaye atesu'chove da. Tsa'ma Jacobja ppimppintssia a'ipa tsa'caen jacambipa pa'cco a'ta carpa tsaoni can'jen.

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Génesis 27:33

Tsa'caen susi pañamba Isaacja dyopa ttun'dundu'je afa: —Tsa'caenda, ¿majan tsu panzapa sho'ccoemba ya'yatssia aña'choma i? Que toya jimbi'te gi pa'cco tsa i'choma amba tsa i'suma ñotsse tsoña'chove afa. Tsa'caen ña susi tsu tisenga ñotsse tsoña.

Génesis 27:37

Tsa'caen susi Isaacja su: —Que canjan. Tayo gi Jacobnga afe que na'suve daya'chove. Nane poiyi'cco tise antiandeccu'qque tisema paña'faya. Toya'caen gi in'jan cuintsu tsain'bio trigo, tsain'bio vinoma'qque an'biañe. Tsa'camba, ¿jongoesuma gi quenga tsoña, jaricho?

Génesis 27:40

Sundaroa'caen tisu matichi'ccu iyicco'jepa qui tisu andema an'biaña. Nane que antianma shondo'suve qui daya. Tsa'ma maqui a'ta quin'ame tson'da qui tise'ye ccushaya.”

Génesis 32:6

Tsa'caen susi ja'chondeccu toequi jipa Jacobnga su'fa: —Que quindya Esaúni ingi ja'fasi tsu ja'ño tiseja jiña cuatro ciento a'i tisema fuitesundeccui'ccu.

Génesis 33:3

Tsa'caen tsomba tsendeccumbe otufanga japa siete se andenga puntssa'ñacca tise antianga catseye jayi.

Génesis 36:31

Israendeccu toya na'suve ccutsiambi'te tsu vandeccuja Edom ande'su nasundeccuve dapa manda'fa.

Génesis 48:19

Tsa'ma tise yayaja tsa'caen tsoñe in'jambipa su: —¡Tayo gi in'jan, jaricho, tayo gi in'jan! Toya'caen tsa'qque tsu joccapitssia aindeccuve atapaya. Tsa'ma tise quinshin tsu tisema ti'tsse joccapitssiya. Nane tsambe omba'su dushundeccu tsu ti'tsse tsain'bitsse atapa'faya.

Números 20:14

Cadesni can'jemba Moisésja majan aindeccuma Edom ande'su na'sunga moe cuintsu japa qquen suye: “Que antian israendeccu tsu qquen quema su'fa: ‘Queta qui ñotsse atesu ingi ma'caen vanamba canse'choma.