Génesis 25:21 - Cofán: Chiga Tevaen'jen

²¹ Rebeca du'shuma isuye oshambisi Isaacja Na'su Chigama iñajan tise pushene. Iñajan'choma Chigaja pañasi Rebecaja surie da.

Génesis 25:21 ပူးပေါင်းရင်းမြစ်များ

Génesis 11:30

Saraija du'shuve isuye oshambipa du'shuve me'cco canse.

Génesis 16:2

Tsa'caen an'biamba asi'ttaemba Abramnga su: —Que canjan, Na'su Chiga se'pisi gi ñajan du'shuve me'cho. Tsa'camba gi in'jan que ña sema'su pushesui'ccu can'jen'ninda tsu osha'ta ñambe du'shuve isuya'bi. Tsa'caen susi Abramjan Sarai suqquia'caen in'jan.

Génesis 30:22

Tsa'ma Chigaja Raquelma injan'jemba tise iñajan'choma paña. Tsa'caen pañamba antte cuintsu du'shuve isuye.

Salmos 91:15

Ñama iñajansi gi pañamba afaya. ¡Nane ña gi tisei'ccu can'jeña! Tise injama'choma gi vuiquiaña cuintsu opatsse can'jeñe. Toya'caen gi tisema ñotssiave tsoña.

Isaías 65:24

Tsendeccu toya ñama ttu'sembi'te gi tise'pa in'jan'choma in'jamba afaya. Nane tise'pa toya afa'je'ni gi tise'pama pañaña.

Lucas 1:13

Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

Lucas 1:7

Elisabetja du'shuve isumbe'yi coenza ccasheve da. Zacarías'qque ccashe'ye.

1 Samuel 1:11

Iñajamba Na'sunga ñoa'me su'chove qquen afa: “Na'su Chiga, que qui Osha'choma Oshacho. Ña quema shondo'suma injan'jemba ñoa'me mende'yepa tsandie du'shuve ñanga afe'ninda gi tsamajan toequi quenga ccase afeya. Afesi tsu quema shondo'suve dapa canseya. Toya'caen tise tosema cha'ttumbe'yi tsu canseya'cho tiseja quembe qquen canjaeñe.”

1 Samuel 1:17

Tsonsi Elíja su: —¡Ñombi'yembe japa canseja! Isha tsu Israelmbe Chigaja que in'jamba iñajan'choma afeya.

1 Samuel 1:2

Elcanajan dos pusheve an'bian. Fae'cco tsu Ana; faesu tsu Penina. Tsa Peninajan du'shupa. Tsa'ma Anajan du'shu me'cho canse.

1 Samuel 1:27

Va du'shuve Chigama iñajansi tsu Na'su Chigaja ñama pañamba ña iñajan'choma ñanga afe.