Génesis 25:18 - Cofán: Chiga Tevaen'jen

¹⁸ Tise dushundeccuja Asiriani ja'jequini can'jen'fa. Nane tsaja Egipto isevetssi tsu Havila, Sur enttingeni. Tise antiandeccumbe utufani can'jen'fa.

Génesis 25:18 ပူးပေါင်းရင်းမြစ်များ

Génesis 10:29

Ofir, Havila toya'caen Jobab. Poiyi'cco tsendeccu tsu Joctán dutssiyendeccu.

Génesis 10:7

Cus dutssiyendeccu tsu Seba, Havila, Sabta, Raama toya'caen Sabteca. Raama dutssiyendeccu tsu Seba toya'caen Dedán.

Génesis 13:10

Tsa'caen susi Lotja pa'cco Jordán na'en'su andema camba tsama in'jan. Nane Zoar canqquepi tsu tsain'bio tsa'ccu jin. Nane ñoa'me ñotssia jombachoqquiacan'omba tsu Egipto andian'caeñi attian. Lot tsa'caen camba in'jainteja toya Na'su Chiga Sodoma canqque, Gomorra canqquema joqquitssian catimbi'te tsu.

Génesis 14:10

Nane tsa Sidim sinjunccuni tsu tsain'bio rande chango sheque, brea jincho. Quedorlaomer tise'pama patsusi tsa Sodoma, Gomorra nasundeccuja ccuyin japa majanda tsesu changonga amppi ca'ni'fa. Cca'indeccuja ccotta'cconga ccuyin ja'fa.

Génesis 16:12

Tiseja tsampi'su cavayoa'caen injansuya tsu. Cca'indeccuma iyicca'yesi tsu ccane'qque tisema iyicca'ye'faya. Nane tise antian se'pi'ni'qque toya tsu tiseja tise'pa utufani can'jeña.”

Génesis 16:7

Tsa'ma Na'su Chigama sefacconi'su shondo'suja pushesu a'i menia jayipa Shur tsaiqui'su tsa'ccu sombo'je'ttini can'jen'choma cachuipa

Génesis 2:11

Fae'ccoma tsu Pisónme inisian. Tsaja pa'cco Havila andema shoquendí ja'je'cho. Cori tsu jin tsa andeni.

Génesis 20:1

Tsonsi Abraham tise can'jen'cho'ye sombopa Néguev andeni ja. Tseni japa Gerar canqqueni ca'nimba can'jen. Gerar tsu Cades canqque, Shur canqque enttingeni.

Génesis 21:14

Chiga tsa'caen susi ccaqui a'ta sinte'yi Abrahamjan panma Agarnga afepa ttono botiyanga'qque tsa'ccuma on'boemba tise opipa'chonga ottaen. Tsomba du'shui'ccu tisema joqquitssian moe tise tsa'o'ye. Tsa'caen joqquitssiangepa Agarja Beerseba'su a'i menia jacan. Mani jaya'chove atesumbipa injanga jacan.

Génesis 21:21

Nane Parán a'i menia can'jemba tise mama anttesi egipto'su pushesuma pushe.

2 Reyes 23:29

Omboe Egipto ande na'su faraón, tsa Necaoja, Asiria'su na'suma fuiteye in'jamba Eufrates naeni jaye ja tise sundarondeccui'ccu. Tsa'caen japa Judá ande'ye pashansi Josíasja tise sundarondeccui'ccu sombo tisema se'piye. Megidoni japa cachuiccopa iyiccopa Necaoja Josíasma fi'tti.

Salmos 78:64

Sundarondeccu matichi'ccu Chigama afasundeccuma fi'ttisi tsandupajen'chondeccu'qque tise'pane i'nañe osha'fambi.

Éxodo 15:22

Tsomba Moisés israendeccuma avusepa Cu'a marne sombopa a'i menia'su Shur andeni ja. Nane tres a'ta pa'cco ja'ma tsa'ccuve attembitsse jacan'fa.

1 Samuel 15:7

Tsa'caen mandasi Saúlja Havila andeni ashaemba Shur andepi (tsaja Egipto pporotsse) amalecitandeccuma fitti'ttiye ashaen.