Génesis 24:53 - Cofán: Chiga Tevaen'jen

⁵³ Afa nanimba osha'cho ñotssia cori, totoacorima ñoñajan'choma, pushesu ondiccuqque'suma'qque somboemba Rebecanga afe. Toya'caen tise quindyanga, tise mamanga'qque osha'cho ñotssiama afe'je.

Génesis 24:53 ပူးပေါင်းရင်းမြစ်များ

Génesis 24:10

Tsomba tse'i shondo'suja tise na'su an'bian'cho'su osha'cho ñotssia afeya'choma isupa chonga tise na'sumbe cameyoi'ccu sombopa ja Nacor can'jen'cho canqquenga. Tsa canqque tsu Mesopotamia ande'su canqque.

Génesis 24:22

Cameyondeccu cu'i nanisi shondo'suja tsofatu'su cori sotija seis gramosve tssaiña'choma tisenga afe. Toya'caen dos rande cori tivenga ancaenqque'su cien gramosma ti'tsse tssaiña'choma'qque afe.

Esdras 1:6

Jayimbindeqquia tsu cori, totoacori, osha'cho tise'pa canseqque'suma, aiña'choma'qque afepa tise'pama fuite'fa. Toya'caen tsu tisu in'janqquia'caen osha'choma afe'fa cuintsu Chiga ettive ñotsse tsao'ña'faye.

Éxodo 11:2

Tsa'ma ja'ño israendeccuma mandaja tsandiendeccu, pushesundeccu'qque cuintsu tise'pai'ccu pporotsse canjen'su tsandiendeccuma toya'caen pushesundeccuma'qque cori, totoacorima ñoña'choma iñajan'faye.

Éxodo 12:35

Toya'caen Moisés mandaqquia'caen poiyi'cco egiptondeccuma cori, totoacorima ñoña'cho toya'caen sarupave'qque iñajan'fa.

Éxodo 3:22

Nane poi pushesundeccu tsu tise'pai'ccu pporotsse canjen'su toya'caen tise'pai'ccu fae'ngae canjen'suma'qque osha'chove iñajan'faya: corima ñoña'cho, totoacorima ñoña'cho toya'caen ondiccuqque'su sarupave'qque. Tsai'ccu qui que'i dushundeccuma ondiqquian'faya. Tsa'caen tsomba qui egiptondeccuma me'ccoe cati ja'faya.