Génesis 24:14 - Cofán: Chiga Tevaen'jen

¹⁴ Antteja majan pushesu vani jisi, ‘Chigáne que tsoripama andiamba ñama cui'ñajan,’ qquen ña susi, ‘Cu'ija,’ qquen supa, ‘Toya'caen gi que cameyondeccuma'qque cui'ñaña,’ qquen su'ta, tsaya tsu que in'jan'cho pushesu quema shondo'su Isaac pusheve daya'cho. Que tsa'caen tsonsi gi in'jaña queja ñotsse tson ña na'su Abrahamnga.”

Génesis 24:14 ပူးပေါင်းရင်းမြစ်များ

Génesis 15:8

Tsonsi Abramjan iñajampaña: —Na'su Chiga, ¿ma'caen gi atesuya va andeja ñambeve?

Génesis 24:13

Que canjan. Ñajan va poso jin'tti ccutsusi va canqque'su chu'a pushesundeccu tsu vani ji'faya tsa'ccuma ichhoiye.

Génesis 24:15

Toya tise Chigama iñajan'jen'ni tsu Rebecaja ji. Tise tsoripama opipa'chonga opipa ji. Nane Rebeca tsu Betuel onque'nge. Betuel tsu Abraham quinshin Nacor dutssi'ye. Tise mama tsu Nacor pushe Milca.

Génesis 24:18

Pushesuja su: —Cu'ija ña na'su. Tsa'caen supa tse'faei'ccuyi tise tsoripama andiamba tivei'ccu indipa tsa'ccuma fiña cuintsu shondo'su cu'i'ye.

Génesis 24:19

Shondo'su cu'i nanisi tsu Rebecaja tisema su: —Toya'caen gi tsa'ccuma ichhoiya que cameyondeccuma cui'ñasi cuintsu tise'pa'qque tteppu'faye.

Génesis 24:43

chigáne, ña vani poso jin'tti ccutsusi qquen tsonjan: Antteja majan chu'a pushesu tsa'ccuma ichhoi'su jisi: Chigáne que tsoripama andiamba ñama cui'ñajan, qquen ña susi:

Génesis 24:44

Cu'ija. Toya'caen gi que cameyondeccuma'qque cui'ñaña, qquen su'ta, tsaya tsu que in'jan'cho pushesu ña na'su dutssi'yembe pusheve daya'cho.’

Isaías 7:11

“Na'su que Chigama iñajanjan canjaen'chove canjaensi atesuye. Nane ande tsosiccuni'su tsambi'ta sefacconi'su canjaen'chove iñajanjan.”

Romanos 1:10

Poi a'ta gi Chigama iñajan'jen cuintsu Tise anttési maqui osha'ta ñajan que'ini jiye.

Jueces 6:17

Tsonsi Gedeónjan su: —Que ñoa'me ñame in'jamba ñama fuiteye tson'jen qquen su'ta canjaen'choi'ccu ñanga canjaenjan majan qui queja ñai'ccu condase'je.

Jueces 6:37

Ñajan oveja ttono tosepama trigoma qquesho'je'ttinga ccuiñaña. Tu'i sinte tsa ttono'su tose tssipasi pa'cco tse'tti'su ande santssisi gi in'jaña queja que suqquia'caen ña tivei'ccu israendeccuma ccushaeña.”