Génesis 22:12 - Cofán: Chiga Tevaen'jen

¹² Tsonsi sefacconi'su shondo'suja se'pipa su: —Du'shuma pporaenjama. Ja'ño gi atesu que Chigave ñotsse in'jan'choma. Nane Chigama pañamba qui que du'shu fae'ccoama se'pimbi ñanga afe'je.

Génesis 22:12 ပူးပေါင်းရင်းမြစ်များ

Génesis 20:11

Tsonsi Abrahamjan su: —Ñajan ‘Vani'su a'i Chigave in'jambipa ñama fi'ttipa ña pushema itsa'faya’ qquen in'jamba gi tsa'caen tson.

Génesis 22:13

Tsa'caen susi Abraham piyicamba atte oveja quitsa'yema. Nane tsaja tise can'cho quini'ccosinga indiyepa ccutsu. Attepa japa ovejama indipa fi'tti. Fi'ttipa oque o'raemba Chiganga afe. Nane tise du'shuma ccushaen'su ovejama tsa'caen fi'ttipa afe.

Génesis 22:16

ttu'se: —Na'su Chigaja su: ‘Queja tsa'caen tsomba que du'shu fae'ccoama'qque se'pimbe'yi ñanga afesi gi quema ñotsse tsoña. Nane tisu injama'choi'ccu in'jamba gi tsa'caen tsoña.

Génesis 22:2

Tsonsi Chigaja su: —Que dutssi'ye fae'ccoa Isaacma qui ñotsse in'jan. Tisema angapa Moriah andeni jaja. Tseni japa ña quema canjaen'cho ccotta'cconga ansundepa que du'shuma fi'ttipa oqueja ñanga afeye.

Génesis 26:5

Nane Abrahamjan ñama pañamba pa'cco ña mandapa antte'choma nanitsse tson. Tsa'caen ña atesian'choma pañamba tsonsi gi tise dushundeccui'ccu poi ande'su aindeccuma ñotsse tsoña.”

Génesis 42:18

Tres a'ta pasasi tise'pama su: —Ñajan Chiga Quitsave in'jamba gi tisema dyojo. Qquen tson'faja ña que'ima ccushaeñe:

Job 1:1

Uz andeni tsu fae a'i, Job, qquen inisecho'choja can'jen. Tsa a'ija egae tsincombe'yi ñotsse canse. Nane dyoe'sui'ccuyi tsu ñotsse Chigave in'jan. Toya'caen faesuma egae tsincoñe in'jambi.

Salmos 1:6

Nane Na'su Chigaja ño'andeccuma tsu ñotsse coirapa an'biaña. Tsa'ma ega aindeccuja tisupa in'janqquia'caen cansepa pa'faya.

Salmos 2:11

Na'suma ñotsse in'jamba tisema avujatsse afa'faja. Nane dyoe'sui'ccu Na'sunga ccaru dyaipa iñajan'faja tise iyicca'yesa'ne.

Éxodo 20:20

Tsonsi Moisésja su: —¡Dyombe can'faja! Chigata tsu ji ingima atesucañe. Ñoa'me dyo'ta gi tisema dyoe'sui'ccuyi injan'jemba egae tsincombe canse'faya.

Jeremías 19:5

Oque oraen'jen'ttive ñoña'fa tise'pa dushundeccuma oquepa Baalnga afeye. Ñajan tsa'caen mandambi ni tsa'caen condambi. Ni asi'ttaembi gi tise'pa tsa'caen tsoña'chove.

Jeremías 32:40

Toya'caen tise'pai'ccu gi tsangae fae'ngae injancco'fa'chove afaya. Ñoa'metsse su'choi'ccu gi tise'panga qquen condaya: Anttembe'yi gi tise'panga ñotsse tsomba in'jaeña cuintsu anttembe'yi ñame in'jamba paña'faye.

Mateo 16:24

Tsa'caen supa Jesús poiyi'cco tisema shondosundeccunga su: —Majan a'i ñai'ccu fae'ngae jiye in'jan'chota, tisu in'jan'choma catiya'cho. Tisu avuja'ccoma opiqquia'caen tsu tiseja ña'caen paya'ngae vanaña'cho. Ñai'ccu fae'ngae jacaña'cho.

Mateo 19:29

Nane poiyi'cco majan tise'pa tsa'o, tise'pa quindya, quinshin, she'she, que'tte, yaya, mama, pushe, dushundeccuma tise'pa andema'qque catipa ñame in'jan'da, tsaja cien se ti'tsse tsu isu'faya. Toya'caen tsu tsangae ñotsse canse'faya.

Mateo 5:16

Que'i'qque tsa'caen tuño chanjunqquia'caen poiyi'cco a'inga attiaña'cho. Ñotsse canseya'cho cuintsu a'i que'i ñotsse tson'choma attepa in'jamba que'i Yaya sefacconi can'jen'cho Chiga Quitsama ñotsse afa'faye.

Juan 3:16

Nane Chigaja va andeni'su a'ima tsain'bitsse in'jamba Tise Dutssi'ye fae'ccoama a'inga afemoen cuintsu poiyi'cco majan tise've in'jan'chota catiyembe'yi Chigai'ccu tsangae canse'faye.

Tson'fa'cho 9:31

Tsonsi tse'i poiyi'cco Jesúsve in'jan'chondeccu, Judea'su, Galilea'su, Samariasundeccu'qque ñotsse dyombi'tsse canse'fa, faesu tsendeccuma noñangiamba mandian'cambisi. Tsa'caen can'jemba tise'pa Jesúsve in'jan'choma ti'tsse'tsse in'jamba Na'su Chiga Quitsama dyoe'sui'ccuyi pañamba tsa'caen ñotsse canse'fa. Toya'caen Chiga Qquendya'pa fuitesi ti'tsse'o a'i tsu Jesúsve in'jan'fa.

Romanos 5:8

Tsa'ma Chigaja ingima ñotsse in'jamba qquen canjaen: Ingi toya egae tsinconsundeccusi tsu Jesucristoja ingine pa.

Romanos 8:32

Nane Chiga Quitsaja ingima in'jamba se'pimbe'yi Tise Dutssi'yema afe cuintsu tsaja papa ingima ccushaeñe. Ñoa'me tsu Chigaja Jesucristoi'ccu fae'ngae osha'choma inginga afeya.

1 Corinto'su 10:13

Que'ija egae tsoñe in'jan'da qui poiyi'cco a'i'ccu fae'ngatssi'fa. Ccaninga'fambi qui. Tsa'ma Chigaja ño'a. Tiseja antteya'bi cuintsu que'i panshaen egae tsoñe in'jamba egae tsincoñe'da. Nane egae tsincoñe in'jan'ninda que'ima tsu fuiteya que'i in'jan'cho'ye somboemba ccushaeñe.

2 Corinto'su 8:12

Nane ñoa'me afeye in'jamba mi'ge'ccoe afeye osha'ta tsu afe'faya'cho. Chigaja tsama tsu in'jan. Tsa'ma que'i tisu mechoma cca'naqquia'caen pan'shantsse afeye Chigaja in'jambi.

Hebreo'su 11:19

Nane Abrahamjan Chigave in'jamba qquen asi'ttaen: “Chiga mandasi fi'tti'ninda Chigaja ña du'shuma ccase qquendyaeña.” Nane ti'tssecan'da tsu tsa'caen tsoñe'can. Canjaen'chove Abraham Isaacma afepa pan fi'ttiye tson'jensi Chigaja tisema se'pisi Isaac ccase qquendyaqquia'caen canse.

Hebreo'su 12:28

Tsa'cansi ingija Chiga aindeccuve da'ta gi tsangae jincho'faya. Tsa'caen atesupa gi avujatsse Chigama afa'je'fa. Nane Tisema ñotsse in'jamba jinge Tise in'janqquia'caen can'jemba dyoe'sui'ccu Tisema iñajan'faye.

Santiago 2:18

Tsa'ma majanda tsu suya: “Queja Cristove in'jansi ñajan ñotsse tson'jen. Ñotsse tsombi'ta ñanga canjaenjan que Cristove in'jan'choma. Tsa'ma ñajan afambe'yi ñotsse tson'da gi quenga canjaeña ña Cristove in'jan'choma.”

Canjaen'cho 19:5

Tsonsi na'su dyaipa'cho'ye tsu faesu aya'faja qquen afa: Ingi Chigama ñotsse afa'faja. Poiyi'cco que'i Tise'be semasundeccu Tisema ñotsse afa'faja. Poiyi'cco que'i dyoe'sui'ccu Tisema pañasundeccu, majan ti'tsse'tssia, majan utu'ccoa, Tisema ñotsse afa'faja.

1 Samuel 15:22

Tsonsi Samuelja su: ¿Na'su Chigata ti avujaya oque oraemba afe'ninda? Nane ti'tsse avujatssi tsu tise manda'choma pañasi. Ñotsse pañañe tsu afe'choma bove ñotssi.