Génesis 22:11 - Cofán: Chiga Tevaen'jen

¹¹ Tsa'ma tse'faei'ccuyi Na'su Chigama sefacconi'su shondo'su sefaccone ttu'sepa su: —¡Abraham! ¡Abraham! —Vani gi can'jen, —qquen tsu Abrahamjan su.

Génesis 22:11 ပူးပေါင်းရင်းမြစ်များ

Génesis 16:7

Tsa'ma Na'su Chigama sefacconi'su shondo'suja pushesu a'i menia jayipa Shur tsaiqui'su tsa'ccu sombo'je'ttini can'jen'choma cachuipa

Génesis 21:17

Chigaja pañamba tisema sefacconi'su shondo'suma moe. Sefaccone tsu Chigama shondo'suja Agarma ttu'sepa su: “¿Micomba qui tsa'caen dyai, Agar? Dyombe canjan. Tayo tsu Chigaja paña du'shu tseni ccuipa ina'jen'choma.

Génesis 21:18

Jangipa du'shunga japa tise tivema indipa tisema jangianjan. Ñoa'me gi tisema ccushaemba fuiteya cuintsu tise dutssiyendeccu joccapitssia aindeccuve da'faye.”

Génesis 22:1

Omboe Chigaja Abraham tise've in'jan'chove atesuye in'jamba mandacan. Tsa'caen in'jamba tise inisei'ccu tisema ttu'sesi Abrahamjan su: —Vani gi can'jen.

Génesis 22:10

Ccuiñamba chhichhi'ccoma isu tise dutssi'yema fi'ttiye.

Génesis 22:12

Tsonsi sefacconi'su shondo'suja se'pipa su: —Du'shuma pporaenjama. Ja'ño gi atesu que Chigave ñotsse in'jan'choma. Nane Chigama pañamba qui que du'shu fae'ccoama se'pimbi ñanga afe'je.

Génesis 22:16

ttu'se: —Na'su Chigaja su: ‘Queja tsa'caen tsomba que du'shu fae'ccoama'qque se'pimbe'yi ñanga afesi gi quema ñotsse tsoña. Nane tisu injama'choi'ccu in'jamba gi tsa'caen tsoña.

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 31:11

Tsa'caen ayo'o'je'ni tsu Chigama sefacconi'su shondo'su ña inisei'ccu ñama ttu'se. Ttu'sesi gi su: ‘Va'tti gi can'jen.’

Génesis 37:13

Tsa'caen japa canjen'fasi Israelja Joséma su: —Que canjan, que quindyandeccuta tsu Siquemni oveja coira'su japa can'jen'fa. In'jan gi que japa can'gaye. Joséja su: —Ju, avujatsse gi jaya.

Génesis 46:2

Tsa'caen afepa ana'jensi Chigaja tisenga attiamba condase. Nane Jacob inisema afasi Jacobja su: —Va'tti gi.

Génesis 48:16

Toya'caen quema sefacconi'su shondo'suja osha'cho ega'ye ñama ccushaen. Chigáne va ña dushundeccuma ñotsse tsonjan cuintsu tsendeccu'ye ña inisema aqque'pambitsse canse'faye; toya'caen ña yayandeccu, Abraham'ye toya'caen Isaac'ye inisema'qque injan'jen'faye. Va dushundeccuma ñotsse tsonjan cuintsu tsain'bie atapapa poi ande on'batsse canse'faye.”

Éxodo 3:2

Tse'ttinga tsu Chigama sefacconi'su shondo'suja quini'si si'ngeve anchandasi Moisésnga attian. Moisésja tsama ñotsse camba in'jan quini'sija si'ngeve anchanda'ma ñoa'me ju'rumbi.

Éxodo 3:4

Na'su Chigaja tsa'caen Moisés cañe in'jamba catse ji'choma attepa tsa quini'si'ye afapa su: —¡Moisés! ¡Moisés! Pañamba Moisésja su: —Va'tti gi can'jen.

Isaías 6:8

Tsonsi gi paña Na'su Chiga aya'fa qquen su'choma: “¿Majama gi moeña? ¿Majan tsu ingine afa'suve dapa jaya?” Pañamba gi su: “Ña gi can'jen. Ñama moejan.”

Tson'fa'cho 26:14

Tsa'caen chanjunsi ingija poiyi'cco andenga amppi'fa. Amppipa gi ñajan paña hebreo aya'fangae qquen su'choma: “Saulo, Saulo, ¿jongoesie qui ñama noñangiamba mandiancan? Queja ñama in'jangae tsincomba qui tisuma bove iñaccaen. Nane na'su quiccu'je'chonga vaura tsuipa tisuma ti'tsse iñaccaenqquia'caen qui tisuma bove iñaccaen.”

Tson'fa'cho 9:4

Tsa'caen attiansi Sauloja andenga amppipa qquen su'choma paña: —Saulo, Saulo, ¿jongoesie qui ñama noñangiamba mandiancan?

1 Samuel 3:10

Ccuisi ccase Na'su Chigaja tayoa'caen ji ccutsupa ttu'se: —¡Samuel! ¡Samuel! Ttu'sesi Samuelja pañamba su: —Afaja. Ña quema shondo'su gi quema paña'jen.

1 Samuel 3:4

Na'su Chigaja Samuelma ttu'sepa su: —¡Samuel! Ttu'se'choma pañamba Samuelja su: —¡Va'tti gi can'jen!