Génesis 20:7 - Cofán: Chiga Tevaen'jen

⁷ Tsa'ma ja'ño tsa pushesuma tise tsa'ndunga afeja. Nane tise tsa'nduja ñane afa'su tsu. Tise que'ine ñama iñajan'ninda qui ccusha'faya. Tsa'ma tise pushema afembi'ta qui ñoa'me que, que aindeccu'qque pa'faya.”

Génesis 20:7 ပူးပေါင်းရင်းမြစ်များ

Génesis 12:15

Toya'caen Egipto ande na'su faraónma shondosundeccu'qque tisema attepa tisene na'sunga conda'fa. Conda'fasi faraónjan manda cuintsu Saraima i'faye tise tsaoni.

Génesis 12:17

Tsa'ma tsa'caen Saraima itsa'fasi tsu Na'su Chigaja na'su faraón, tise tsa'osundeccuma'qque osha'cho paqque'sui'ccu da'ño.

Génesis 2:17

Tsa'ma tsa ñotssia, egama atesuya'cho quini'cco'su tetachomajan anjama. Nane maqui a'ta tsama an'da qui paya.”

Génesis 20:3

Tsa'ma tsa'caen tsomba cosesi Abimelecja anamba ayo'o. Ayo'osi Chiga tisenga attiamba su: “Queja paye qui tson'jen. Nane que i'cho pushesuja faesumbe pushe tsu.”

Génesis 20:8

Tsa'caen ayo'opa sinte'yi jangipa Abimelecja poiyi'cco tisema shondosundeccuma ttu'sepa pa'tssi tise ayo'o'choma conda. Tsama pañamba poiyi'cco dyo'fa.

Génesis 23:6

—Na'su, chigáne ingima pañajan. Queja ingi'ccu can'jemba qui ñoa'me Chiga in'jan'cho. Tsa'cansi mani in'jan'da que pushema a'tuja ingi atu'ttinga. Nane ingi bove ñotssia atu'ttinga a'tuja. Majañi'qque tsu quema se'pi'faya'bi que tsa'caen tsonsi.

2 Reyes 5:11

Tsama pañamba Naamánjan ñoa'me iyicca'ye. Iyicca'yepa qquen supa ja: —Ñanda gi in'jan Chiga aya'fama afa'su sombopa ñanga catse ccutsupa Na'su tise Chigama iñajamba tivei'ccu na congomba jinchoma canjaensi ti gi ccushaya.

Job 42:8

Tsa'camba siete vaura quitsaye, siete oveja quitsayema'qque angapa Jobma can'su ja'faja. Tseni japa ñanga tsa vaura, ovejama'qque oque oraen'fasi tsu Jobja que'ine ñama iñajaña. Ñajan tise iñajan'choma pañamba que'i egae tsinconsi vanaeña'choma joqquitssiamba aqque'paya. Nane que'i ñama shondo'su Job ñane ñotsse tansintsse afaqquia'caen afambi'choa shacama gi aqque'paya.”

Éxodo 4:16

Queta qui ña afaqquia'caen Aarónga condaya. Toya'caen Aarónjan que su'choma tsu a'inga condaya.

Levítico 6:7

Tsa'caen tsonsi tsu Chigama afa'su Na'su Chigama iñajaña tsa a'i ma'caen egae tsincomba shacaen'choma cuintsu ccuchaye. Afe'choma afepa iñajansi tsu Chigaja tsa a'i egae tsincon'choma aqque'paya.”

Tson'fa'cho 8:24

Qquen susi Simónjan su: —Na'su Chigama iñajan'faja ñane que suqquia'caen ña dasa'ne.

1 Corinto'su 14:4

Majan a'i ccaninga aya'fangae afa'ta tisuma tsu fuite'fa. Tsa'ma majan a'i Chiga condase'choma pañamba a'i aya'fangae conda'ta poiyi'cco Cristove in'jamba bo'fa'chondeccuma tsu fuite'fa.

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Hebreo'su 13:4

Tsandieja pusheye tsu ñotssi. Pushesu'qque tsa'nduye tsu ñotssi. Tsa'caen antte'fasi egave in'jan'fajama. Tsa'ma majan pushe'ta, majan tsa'ndu'ta ñotsse in'jamba tisenga antte'choi'ccuyi tsu can'jeña'cho. Faesui'ccu can'jen'fajama. Majan tise pushe, tise tsa'nduma catipa faesui'ccu in'jangae can'jen'nijan Chiga Quitsa tsu tsambe injama'choma somboeña.

1 Juan 5:16

Majan tise faenga'su joqquitssianqque'su egae tsincon'chove tsinconsi atte'ta Chigama iñajaña'cho tisene cuintsu Chiga tsama ccushaeñe. Tsa'caen tsu Chigaja ccushaeña joqquitssianqque'su egae tsincon'chove tsincon'ninda. Majan egae tsincon'choja joqquitssi'masia. Tsane Chigama iñajañe mandambi gi.