Génesis 19:17 - Cofán: Chiga Tevaen'jen

¹⁷ Tsomba canqque'ye somboemba sefacconi'su shondosundeccu tise'pama su'fa: —Buttopa jaja'faja tisuma ccushaeñe. Sepacconima can'fajama. Ni va sinjunccuni can'jen'fajama. Nane ccotta'cconga jaja'faja tisuma ccushaeñe in'jan'da.

Génesis 19:17 ပူးပေါင်းရင်းမြစ်များ

Génesis 13:10

Tsa'caen susi Lotja pa'cco Jordán na'en'su andema camba tsama in'jan. Nane Zoar canqquepi tsu tsain'bio tsa'ccu jin. Nane ñoa'me ñotssia jombachoqquiacan'omba tsu Egipto andian'caeñi attian. Lot tsa'caen camba in'jainteja toya Na'su Chiga Sodoma canqque, Gomorra canqquema joqquitssian catimbi'te tsu.

Génesis 14:10

Nane tsa Sidim sinjunccuni tsu tsain'bio rande chango sheque, brea jincho. Quedorlaomer tise'pama patsusi tsa Sodoma, Gomorra nasundeccuja ccuyin japa majanda tsesu changonga amppi ca'ni'fa. Cca'indeccuja ccotta'cconga ccuyin ja'fa.

Génesis 18:22

Tsa'caen su'je'ni tsa faesu dos pasiasundeccuja Sodomani jaye ja'fa. Tsa'ma Abrahamjan toya Na'su Chigai'ccu ccutsupa

Génesis 19:18

Tsa'ma Lotja su: —Me'in, nasundeccu.

Génesis 19:22

Uta'tsseyi tseni japa ca'nijan. Nane que toya tseni nepimbi'ta Na'su Chiga mandaqquia'caen tsoñe osha'fambi gi. Tsa canqqueja chipirisi tsu inisian'fa Zoarve.

Génesis 19:26

Tsa'ma Lot pushe Lotma omboe jiñamba sepacconima piyicamba ansimeñi da ccutsu.

Génesis 19:30

Omboe Lotja dyojo ti'tsse Zoarni can'jeñe. Tsa'caen dyojopa ccotta'cconi japa tise dos onquengendeccui'ccu tseni fattocco changoni can'jen'fa.

1 Reyes 19:3

Elíasja tsama pañamba dyopa ccuyain ja tisuma ccushaeñe. Nane Judá ande'su Beersebani japa tseni tisema shondo'suma cati.

Números 16:26

Japa poiyi'cco aindeccunga qquen su'fa: —¡Junde joqquitssi'faja va ega aindeccu carpa'ye! Toya'caen tise'pa an'bian'choma pporaen'fajama tise'pa egae tsincon'chone que'i'qque pa'fasa'ne.

Mateo 3:7

Tsain'bio “fariseo gi” qquen in'jan'chondeccu, “saduseo gi” qquen in'jan'chondeccu'qque Juan feti'je'ni ji'fasi Juanjan tise'pama su: —Que'ija ñoa'me iyo dushundeqquia'can'fa qui. ¿Majan tsu que'imajan dyoña? Chiga iyicca'yepa fi'ttiya'choma pañamba ¿fetiyepa ccushaye'ta ti qui in'jan'fa?

Lucas 12:23

Ingi canse'cho tsu ingi anqque'suma ti'tsse'tssia. Ingi ai'vo tsu ingi ondiccu'je'choma ti'tsse'tssia.

Lucas 9:62

Tsa'ma Jesúsja tisema su: —A'ija vaurai'ccu andema chhochho'jepa sepacconima piyican'da tansintsse jaye oshambi. Tsa'caen majan a'i ñame in'jamba toya'caen tayo'su in'jan'choma in'jan'da Chiga a'ive daye oshaya'bi.

Hebreo'su 2:3

Tsa'cansi ingija va ti'tssetssia ccushaeña'choma pañamba chi'ga'ta ¿ma'caen gi ccusha'faya? Ñoa'me gi ccusha'faya'bi. Tseyi Na'suja va ccushaeña'chone a'inga condasesi Tisema pañasundeccuja inginga condase'fa, ñoa'me su'chove canjaeñe.