Génesis 19:16 - Cofán: Chiga Tevaen'jen

¹⁶ Tsa'ma Lot jaye in'jambiqquia'caen vasia've ñoña'jensi sefacconi'su shondosundeccu tise tivema indipa qquitssapa somboen'fa. Nane Na'su Chiga tisema in'jamba mende'ye. Toya'caen Lot pushe, tise onquengendeccuma'qque qquitssapa somboen'fa tise'pama ccushaeñe.

Génesis 19:16 ပူးပေါင်းရင်းမြစ်များ

Génesis 19:15

Tayo a'taye tson'jensi sefacconi'su shondosundeccuja Lotma quian'me su'fa: —Uta'tsseyi jangipa que pushe, que onquengendeccuma'qque angapa ja'faja va canqque'su aindeccui'ccu fae'ngae pasa'ne.

Génesis 43:10

Que se'pisi ronda'jembiecan'da, ¡tayo gi dos se japa ji'faye'can!

Salmos 103:13

Yaya tise dushundeccuma mende'yeqquia'caen tsu Na'suja tise've in'jamba pañasundeccuma in'jamba mende'ye.

Salmos 106:1

¡Ñotssi tsu Na'su Chigaja! Na'su Chigaja ñotssia tsu. Tisema avujatsse afa'faja. Tsangae ingima in'jan'cho tsu. Tisema avujatsse afa'faja.

Salmos 106:8

Tsa'ma Chigaja tise inisema ñotsse canjaeñe tise'pama ccushaensi tsu tise quin'suma attepa in'jan'fa.

Salmos 118:1

Na'suja ñotssiasi tisema ñotsse afa'faja. Na'suja tsangae ingima in'jansi tisema ñotsse afa'faja.

Salmos 32:10

Tsain'bitssi tsu egae tsincon'su vana'jeña'cho. Tsa'ma Na'su ñotsse in'jan'cho tsu tisema pañasundeccuma ttupa coira'je.

Salmos 34:12

¿Bo'tsse canseye'ta ti qui in'jan? ¿Avujatsse can'jeñe'da ti qui in'jan?

Éxodo 34:6

Nane Moisés can'jen'tti'ye panshamba quian'me afapa qquen su: —¡Na'su Chiga gi! ¡Na'su Chiga gi! ¡Ñotsse in'jamba mendeye'su Chiga gi! ¡Junde iyicca'ye'ma'sia toya'caen ñoa'me a'tatsse injancho'cho Chiga gi!

Éxodo 34:7

Nane mil omba'su dutssiyendeccunga gi antte'beyi tsangae ñotsse in'jamba tise'pa egae tsincon'choma joqquitssiamba shacama'qque ccuchaya. Tsa'ma ñama chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma gi somboeña.

Números 14:18

‘Ñajan junde iyicca'yeye atesumbi.’ Ñoa'me ñotsse qui injancho. Egae tsinconsundeccu, toya'caen pañambiqquia'caen tsinconsundeccu tsincon'choma qui aqque'papa ñoquiya. Tsa'ma quema chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma qui somboeña.

Lucas 18:13

Tsa'ma impuestoma isu'suja ccani catsembe'yi ccutsu. Tsa'caen ccutsupa puntssamba sefanima cambe'yi tivei'ccu tise utu'choma tssaipa su: “¡Chiga Quitsa, ña gi egae tsincon'su! Ñama mende'yeja.”

Juan 6:44

Chiga Quitsa, ñama moen'su, a'ima ñanga moembiecan'da ñanga jiye osha'faya'bi. Tsa'ma Chiga tsendeccuma moensi gi tise'pama ccase qquendyaeña osefaeña'cho a'ta napisi.

Romanos 9:18

Chigaja tsa'caen majama mende'yeye in'jan'da mende'ye. Tsa'ma majama se'pi'suve tsoñe in'jan'da tsa'caen tsu Tiseja tsa a'ima manda antte.

2 Corinto'su 1:3

Ñoa'me'qque ñotssia tsu Chiga Quitsaja. Tiseja ingi Na'su Jesucristo Quitsa tsu. Yaya du'shuma mendeyeqquia'caen Chigaja ingima mendeye'su tsu. Chigaja ingima fuite'su tsu.

Deuteronomio 7:8

Tsa'ma Na'suja que'ima Egiptoni'su sema'jen'cho'ye somboen. Nane tise ñotssia quin'sui'ccu Egipto'su na'su faraónma patsupa que'ima in'jamba ccushaen tise que'i tayopisundeccu'yenga tansintsse su'choma tsoñe.

Titonga 3:5

Tsa'caen attiamba tsu ingima ccushaen. Ingi jongoesuma ñotsse tson'jen'chove in'jambe'yi ingima mende'yepa aqquia in'jamba tsu tsa'caen ccushaen. Nane Tiseja ingima cashiqquia'caen giya'tsse cuna a'ive tsomba ccushaen. Chiga Qquendya'pa'qque ingima cuname qquendyaemba ccushaen.

Josué 6:22

Tsonsi Josuéja tsa dos a'tutsse jacansundeccuma qquen manda: “Rahab tsaoni japa tisema, toya'caen pa'cco tise'bema'qque somboen'faja. Nane que'i Rahabnga ñoa'me su'chove suqquia'caen tsu tsoña'cho.”

2 Pedro 2:7

Tseni'su ega aindeccuja in'jangae canse'fa. Tsa'ma fae a'i, Lot, ño'amba tise'pa egae tsincon'choma chi'gasi Chigaja tisema ccushaen.

2 Pedro 2:9

Na'su Chigaja atesu ño'a a'ima ccushaeñe tise vana'jen'cho'ye egae tsinconsa'ne. Tsa'ma Tiseja egae tsinconsundeccuma an'bian injama'choma somboeña'cho a'ta vanaeña'chove.