Génesis 19:14 - Cofán: Chiga Tevaen'jen

¹⁴ Tsa'caen susi Lotja tise dusundeccunga japa conda. Nane tayo tsu antteye su cuintsu tsendeccu tise onquengendeccuma pusheye. Tise'pama su: —Jangipa va'ttie joqquitssipa ja'faja. Ñoa'me tsu Na'su Chiga va canqquema sefaen catiye tson'jen. Tsa'ma tise dusundeccu pañambipa feña'fa.

Génesis 19:14 ပူးပေါင်းရင်းမြစ်များ

Génesis 19:15

Tayo a'taye tson'jensi sefacconi'su shondosundeccuja Lotma quian'me su'fa: —Uta'tsseyi jangipa que pushe, que onquengendeccuma'qque angapa ja'faja va canqque'su aindeccui'ccu fae'ngae pasa'ne.

Génesis 19:17

Tsomba canqque'ye somboemba sefacconi'su shondosundeccu tise'pama su'fa: —Buttopa jaja'faja tisuma ccushaeñe. Sepacconima can'fajama. Ni va sinjunccuni can'jen'fajama. Nane ccotta'cconga jaja'faja tisuma ccushaeñe in'jan'da.

Génesis 19:22

Uta'tsseyi tseni japa ca'nijan. Nane que toya tseni nepimbi'ta Na'su Chiga mandaqquia'caen tsoñe osha'fambi gi. Tsa canqqueja chipirisi tsu inisian'fa Zoarve.

Éxodo 12:31

Tsequi cose'yi faraónjan manda cuintsu Moisés toya'caen Aarónma ttu'sepa qquen condaye: —¡Ja'faja! Joqquitssi'faja ña aindeccu'ye que'i poiyi'cco israendeccui'ccu. Japa que'i suqquia'caen Na'su Chigama iñajan'faja.

Éxodo 9:21

Tsa'ma majandeccuja ñoa'me su'cho qquen in'jambipa injanga tsoteni an'bian'fa.

Números 16:21

—¡Joqquitssi'faja va aindeccu ccutsu'ttie! ¡Junde gi tise'pama nepiañe tson'jen!

Números 16:26

Japa poiyi'cco aindeccunga qquen su'fa: —¡Junde joqquitssi'faja va ega aindeccu carpa'ye! Toya'caen tise'pa an'bian'choma pporaen'fajama tise'pa egae tsincon'chone que'i'qque pa'fasa'ne.

Números 16:45

—¡Joqquitssi'faja va aindeccu'ye! ¡Junde gi tise'pama fi'ttiye tson'jen! Tsama pañamba Moisés toya'caen Aarón andenga puntssan ccuipa

Mateo 1:18

Qquen tsu Jesucristoma isu'cho. Tise chanjan, María Josénga tayo iñajañemba toya tsandiei'ccu fae'ngae can'jembe'yi surie da. Chiga Quendya'pa tisenga jisi surie da.

Mateo 9:24

Jesús attepa su: —Va'ttie joqquitssi'faja. Du'shuja pambi'tsse'yi tsu ana'jen. Qquen susi tayo pa'chosi atesupa tisema feña'fa.

Lucas 24:11

Tsa'ma tsendeccuja pañamba “Aqquia su'cho” qquen in'jamba in'jan'fambi.

Lucas 9:42

Du'shu jiñasi cocoyaja tisema mandyi indi pan'jaen. Tsa'ma Jesúsja cocoyama iyu'upa du'shuma ccushaemba tise yayanga afe.

Tson'fa'cho 17:32

Tsa'caen Pabloja pa'choma ccase qquendyaen'chone afasi majan pañasundeccuja feña'fa. Tsa'ma cca'indeccuja su'fa: —Jai'ngae gi tsane ccase paña'faya.

1 Tesalónica'su 5:3

A'ija pa'ccoma ñotsse asi'ttaembipa dyombi'tsse can'jen'ni tsu ñoa'me egae fi'ttiya'choja junde jiya. Tsata tsu pushesu suri du'shuma tteyaemba aiye'jeqquia'ca'on. Tsangae tsa'caen da'nijan ¿ma'caen tsu ccushaya?