Génesis 18:32 - Cofán: Chiga Tevaen'jen

³² Toya'caen Abrahamjan su: —Chigáne, ña Na'su, ñama iyicca'yejama. Tsa'ma ti'tsse fae seyi gi afaya. ¿Mingae qui tsoña aqquia diez ño'andeccuma atte'ta? Tsonsi Na'suja su: —Nane ñoa'me ño'andeccuma diezve atte'ta gi tsa canqquesundeccuma fi'ttiya'bi.

Génesis 18:32 ပူးပေါင်းရင်းမြစ်များ

Génesis 18:30

Ccase Abrahamjan su: —Ñama iyicca'yejama. Tsa'ma, ¿aqquia treintaveyi atte'ta–? Na'suja su: —Treintave atte'ta gi antteya.

Génesis 18:31

Ti'tsse tsu Abrahamjan su: —Ñoa'me opa gi ya'caen ña Na'suma afaye. Tsa'ma, ¿veinteveyi atte'ta ti qui antteya? Na'suja su: —Ju, veinteveyi atte'ta gi tsa canqque'su a'ima fi'ttiya'bi.

Génesis 44:18

Tsonsi Judája Josénga catsepa su: —Na'su, quema gi iñajan, chigáne antteja ña re'riccoe quenga a'tutsse afaye. Nane ñama iyicca'yembe'yi ñotsse pañajan. Queja ñoa'me qui na'su faraóni'ccu fae'ngatssi.

Éxodo 32:14

Moisés tsa'caen susi Na'su Chigaja tise aindeccuma dañoñe in'jan'choma antte.

Mateo 7:7

Iñajan'da qui isu'faya. Ttatta'ta qui atte'faya. Sombo'ttima tssai jeña'ninda na'su tsu fettaya.

Efeso'su 3:20

Chigaja ñotssia tsu. Tiseja osha'choma oshacho qquen in'jamba gi Tisema iñajan'fa. Tsa'ma Tiseja ingima quiñaemba ingi in'jamba iñajan'choma ñoa'me ti'tsse pan'sha'en tsu tsoña.

Jueces 6:39

Tsomba Gedeón ccase Chigama su: “Ñama iyicca'yejama, tsa'ma ccase gi iñajampañamba atesuya va tosepa oveja ttonoi'ccu. Ja'ño antteja cuintsu tosepa ttono santssisi pa'cco andeja suruno tsa'ccui'ccu tssipaye.”