Génesis 18:25 - Cofán: Chiga Tevaen'jen

²⁵ Ñoa'me qui oshambi tsa'caen ño'andeccuma egae tsinconsundeccui'ccu fae'ngae fi'ttiye. Nane tsendeccuja fae'ngae egae tsincon'fambi. Me'in, tsa'caen qui tsoña'bi. Nane queja poi aindeccu injama'choma somboen'su, ¿poiyi'ccoma ñotsse in'jan'da ti qui ñotsse tsoña?

Génesis 18:25 ပူးပေါင်းရင်းမြစ်များ

Génesis 18:24

¿Nane cincuenta ño'andeccu tseni can'jen'ni'qque ti qui poiyi'cco tsa canqquesundeccuma fi'ttiya? Tsambi'ta, ¿ño'andeccuma ccushaeñe ti qui antteya?

Job 8:3

Chiga Osha'choma Oshacho'choja tsangae tansintssia've in'jamba minguite'qque tise in'jamba antte'choma pasaeña'mbi.

Salmos 94:2

Queja poi ande'suma ñoquian'su. ¡Jangipa osha'choma ñoñamba quinsepoeñe in'jan'chondeccuma quinsepoenjan!

Números 16:22

Tsa'ma Moisés Aarón'qque andenga puntssan ccuipa qquen su'fa: —Chiga Quitsa, que qui poi aindeccuma cansian'su. ¿Tsa'caen ti qui fae a'i egae tsincon'chone poi aindeccuma iyicca'yeya?

2 Corinto'su 5:10

Poiyi'cco gi Cristo na'su dyaipa'chonga ccutsu'faya'cho tise ingi tson'chone inginga afaye. Tise afasi gi ingi va ai'voi'ccu can'jemba ma'caen tson'chone isu'faya. Ma'caen tsomba canse'ta gi isu'faya; majan ñotssi, majan egama.

Hebreo'su 12:23

Nane poiyi'cco Chigave in'jamba ttuseye'chondeccu tsu Tise a'ive dapa tseni can'jen'fa. Injama'choma somboen'su Chiga Quitsanga qui catse'fa. Poiyi'cco majan ñotssisi Chigaja tise'pama nanitsse ñotsse tsomba ccase qquendyaen. Que'i'qque qui tsendeccunga catse'fa tise'pai'ccu ca'niñe.