Génesis 18:2 - Cofán: Chiga Tevaen'jen

² Dyaipa asuccocamba tres tsandiema atte tse'tti pporotsse ccutsu'fa'choma. Tise'pama attepa carpa'ye butto jangipa chigambiañe catse. Buttopa japa tise'panga catsepa tise tsovema andenga puntssamba ccuipa

Génesis 18:2 ပူးပေါင်းရင်းမြစ်များ

Génesis 17:3

Tsama pañamba Abramjan andenga puntssan ccui. Puntssan ccui'ni'qque toya tsu Chigaja afapa su:

Génesis 18:16

Tsa'caen condasepa an nanimba pasiasundeccu jangipa Sodoma canqqueni jaye ashaen'fa. Abrahamjan camoeñe in'jamba re'riccoe tise'pai'ccu fae'ngae ja.

Génesis 18:22

Tsa'caen su'je'ni tsa faesu dos pasiasundeccuja Sodomani jaye ja'fa. Tsa'ma Abrahamjan toya Na'su Chigai'ccu ccutsupa

Génesis 18:3

su: —Ña na'su, chigáne va'tti re'riccone dyaiccaja.

Génesis 19:1

Tayo cosesi tsa dos Chigama sefacconi'su shondosundeccuja pasiasundeqquia'caen Sodoma canqquenga nepi'fa. Lot, Abraham antianmbe du'shu, tseni can'jemba canqque ttuccu sombo'tti'su atandunduni dyai. Dyaipa pasiasundeccuma attepa jangipa tise'pama cachui'su ja. Cachuipa tise camba'juma andenga puntssamba chigambiamba

Génesis 23:12

Tsa'ma Abrahamjan pañamba ccase tsa canqque'su aindeccuma chigambiamba

Génesis 23:7

Tsonsi Abraham jangi ccutsupa hititandeccuma chigambiamba su:

Génesis 24:63

Tsa'caen can'jemba tayo cose jisi pasiaye sombo. Tsa'caen jacamba tsu atte cameyondeccu jiña'choma.

Génesis 32:24

Tsa'caen pa'ccoma isiamba tisuyi can'jen'ni fae tsandie, a'iacan'choa tisei'ccu iyiccoye ashaen a'tatsse.

Génesis 42:6

Joséja ande na'suve dapa poiyi'cco ccane ji'chondeccunga trigoma chavaen'su tsu. Tsa'cansi tise antiandeccuja tisenga jipa andenga camba'jui'ccu puntssan'fa.

Génesis 43:26

Tsa'caen ronda'je'fani José tisu tsaoni jisi tsendeccuja tisenga afeya'choma afepa andenga camba'jui'ccu puntssan'fa.

Génesis 43:28

Tsendeccuja ccase puntssamba su'fa: —Ingi yaya, quema shondo'suja ñotssi tsu. Toya tsu canse.

Génesis 44:14

Judá, tise antiandeccui'ccu jipa José tsaoni nepisi Joséja toya can'jen. Tsa'caen can'jensi poiyi'cco tisenga ccaru'fa. Nane camba'ju andenga ppo'rotsse puntssan'fa.

Génesis 48:12

Tsa'caen susi Joséja tise dushundeccuma tise yáya'ye joqquitssiamba camba'jui'ccu andenga puntssan ccui.

2 Reyes 2:15

Tsonsi Jericó'su Chiga aya'fama afasundeccu tseni isevetsse ccutsusundeccuja tsama attepa su'fa: “Ñoa'me tsu Chigaja Elíasma oshaenqquia'caen ja'ñojan Eliseoma tsa'caen oshaen'jen.” Tsa'caen supa tisenga catsepa andenga puntssan'fa.

Romanos 12:13

Faesu Cristove in'jan'chondeccu jongoesuve shaca'nijan tise'pama fuite'faja. Cca'indeccu pasia'su ji'nijan tise'pama in'jamba ansundian'faja.

Hebreo'su 13:2

Que'ima toya atesumbi'choa Jesucristove in'jan'chondeccu ji'nijan tise'pama ansundiamba fuite'faja. Majan tayopi'su a'ija tsa'caen tsomba tsu atesumbe'yi Chigama sefacconi'su shondosundeccuma fuite'fa.

Josué 5:13

Tsa'caen Jericó canqque pporotsse can'jemba Josuéja asuccocamba a'ima atte, sundaro matichima isu'cho tise isevetsse ccutsu'choma. Attepa tisenga catsepa qquen iñajampaña: —¿Que'qque ti qui ingi'su? ¿Tsambi'ta ingima iyiccayesundeccu'su?

1 Pedro 4:9

Faenga'su que tsa'onga ji'nijan se'pimbe ansundian'faja.

Jueces 13:3

Tsa'ma Na'su Chigama sefacconi'su shondo'suja Manoa pushenga attiamba su: “Queja du'shuve isuye oshambi'pa qui me'cco canse. Tsa'ma ja'ñonda qui surive dapa tsandie du'shuve isuya.

Rut 2:10

Booz tsa'caen susi Rutja andenga puntssamba su: —¿Jongoesie qui ñajan faesu ande'su a'imajan panshaen ñotsse ñama afa?