Génesis 15:18 - Cofán: Chiga Tevaen'jen

¹⁸ Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 15:18 ပူးပေါင်းရင်းမြစ်များ

Génesis 12:7

Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Génesis 13:15

Quenga gi afeya pa'cco que camba atte'cho andema. Tsangae qui queja, que omba'su dutssiyendeccu'qque va andema an'bian'faya.

Génesis 2:14

Faesu na'ema tsu Tigrisve inisian. Tsa na'en ja'je'choja Asiria joccani chiga sombo'jefa tsu. Toya'caen faesu na'ema tsu Eufratesve inisian.

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 26:4

Que omba'su dushundeccuma gi atapoeña sefacconi'su o'feacan'tsse. Tsomba gi pa'cco va andema afeya. Toya'caen gi que omba'su dushundeccui'ccu poi ande'su aindeccuma ñotsse tsoña.

Génesis 28:4

Chigaja Abrahamnga ñotsse tsoñe su'chopa tsu quenga ñotsse tsomba que omba'su dushundeccunga'qque ñotsse tsoña. Nane ja'ñoñi gi ccane ji'choa'caen va andeni canse'fa. Tsa'ma Chiga Abrahamnga suqquia'caen tsonsi qui va ande'su nasundeccuve dapa canse'faya.”

Génesis 35:12

Va ande tayo Abraham Isaacnga afe'cho andeveyi gi quenga'qque afeya. Toya'caen gi que omba'su dutssiyendeccunga'qque afeya.”

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

1 Reyes 4:21

Nane Salomónjan poi faesu nasundeccuma patsupa manda'je Eufrates naine ashaemba filisteo andepi toya'caen Egipto ande utufangae. Poiyi'cco tseni'su nasundeccu Salomón cansuiteja tisema pañamba poi canqque'fa tise iñajan'cho corifin'dima afepoen'jen'fa.

1 Reyes 5:1

Tsonsi Hiram, tsa Tiro canqque'su na'su, Salomón tise yaya David'ye pasi tayo israel na'suve fetiye qquen pañamba tise moesi afasundeccuma Salomónga moe. Nane tsa'caen tsu Davidi'ccu ñotsse injanccopa canse'su.

Salmos 105:11

“Que'inga gi Canaán andema afeya. Nane que'inga afesi isu'cho ande tsu.”

Éxodo 2:24

tise tayopi Abraham, Isaac toya'caen Jacobi'ccu injancco'fa'choma in'jan.

Éxodo 23:23

Nane ñama sefacconi'su shondo'su tsu que'ima o'tie japa angaya tsa amorreo, hitita, ferezeo, cananeo, heveo, toya'caen jebuseondeccu can'jen'cho andeni. Tsendeccuma gi me'tsse sefaeña.

Éxodo 3:8

Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Éxodo 32:13

Injan'jenjan quema shondo'su Abraham, Isaac, toya'caen Israelma'qque que tisu injama'choi'ccu in'jamba ñoa'me su'chove afapa qquen su'choma: ‘Que omba'su dutssiyendeccuma gi atapoeña cuintsu sefacconi'su o'fema agattoye oshambi'qquia'caen tise'pama'qque agattoye oshambiye.’ Toya'caen ‘Pa'cco va ña afeya qquen su'cho andema gi tsangae que'inga afeya.’

Éxodo 34:11

“Ja'ño ña que'inga manda'choma ñotsse tson'faja. Ña gi amoreondeccu, cananeondeccu, hititandeccu, ferezeondeccu, heveondeccu toya'caen jebuseondeccuma'qque joqquitssiamba tsa andema que'inga afeya.

Éxodo 34:24

Ña gi faesu andesundeccuma joqquitssiamba tise'pa andema que'inga afe'ñaccaya. Tsa'cansi que'i poi canqque'fanga tres se Na'su que'i Chiganga catseye japa tisu andeni can'jembi'ni'qque tsu majañi'qque que'i andema itsaya'bi.

Isaías 55:3

Ñani jipa ñama paña'faja. Ñama pañamba canse'faja. Nane tsangae injancco'fa'chove gi que'i'ccu afapa tson'jeña ña tayopi'su David'yenga ñotsse in'jamba afa'cho cuintsu ja'ño nepiye.

Jeremías 32:40

Toya'caen tise'pai'ccu gi tsangae fae'ngae injancco'fa'chove afaya. Ñoa'metsse su'choi'ccu gi tise'panga qquen condaya: Anttembe'yi gi tise'panga ñotsse tsomba in'jaeña cuintsu anttembe'yi ñame in'jamba paña'faye.

Tson'fa'cho 7:5

Tsa'ma Chiga Quitsaja ni minga'vieyi'qque Abrahamnga andema afembi. Tsa'cansi Abraham: “Va andeja ñambe” qquen suye oshambi. Tsa'ma tsa'caen Abrahamnga afembipa Chiga Quitsaja jai'ngae afeya'chone conda. Nane Abraham toya du'shu mechoite Chigaja tsa andema tisenga, tise dutssiyendeccunga'qque afeye su.

Deuteronomio 34:4

Canjaemba Na'suja tisema su: “Va tsu ña Abraham, Isaac, Jacobnga'qque tise'pa dushundeccunga afeye qquen tansintsse su'cho ande. In'jamba gi quema canjaen que ca'niñambia'qque tso'fei'ccu atteye.”

Deuteronomio 7:1

Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.

Hebreo'su 13:20

Ingija oveja'can'fa gi. Na'su Jesúsja ti'tsse'tssia ingima coira'su tsu. Tise anjampa tssansi tsangae tsu ñoña cuintsu Chiga a'i'ccu cuname fae'ngae injancco'faye. Pasi Chiga Quitsa, opatsse tson'su, tisema ccase qquendyaen. In'jan'fa gi cuintsu Chiga Quitsa

Canjaen'cho 9:14

Sexto sefacconi'su shondo'su je'ñá ccutsusi tsu aya'fa tisema qquen afapa manda: —Rande Eufrates na'en jin'tti tsu cuatro sefacconi'su shondosundeccu candenai'ccu tandañemba can'jen'fa. Japa tise'pama ccupaja.